【公屋難求】丈夫兄姊欲除名各自排公屋 港媽拒絕奶奶加名保大單位要求 「我除名娘家要交雙倍租」

香港樓價高企令人難以「上車」，公屋亦長期供不應求，一般申請者的平均輪候時間更升至5.6年。一名港媽在網上吐苦，指夫家住在一個6至8人的公屋大單位，惟近日大伯及兩名姑奶欲除名再各自申請公屋，因此奶奶便要求事主除去在娘家公屋的名字，加到夫家公屋單位下。對此，事主斷言拒絕並大罵奶奶自私：「我娘家嗰邊唔除得名，如果除咗就要交雙倍租！」

鄰居疑非法出租房協屋邨，港女看不過眼求教舉報方法，「要等好多年唔想畀人咁霸住」，詳情即睇：【下一頁】

該名港媽上周五（20日）在網上討論區「親子王國」表示，老爺早已離世，惟兩名姑奶打算除名排公屋，在此情況下，夫家公屋單位的成員名字，就只剩下其丈夫、大伯及現年60歲的奶奶。然而，大伯一家三口又正在輪候公屋；若夫家所住的大單位不夠4個人名，就可能要「大搬細」，

「間公屋最少要有4個人名，因為佢大佬一家申請緊公屋，唔可以加佢大佬老婆同佢姪女個名，佢大佬去房屋署問過，如果加埋佢兩母女個名就會取消佢哋一家申請公屋資格。」

因此，其奶奶遂要求事主，將她及其女兒的名字加到夫家公屋單位名下，令事主感到煩惱，「我娘家嗰邊唔除得名，如果除咗就要交雙倍租，同埋可能無得住，唔夠人數。」對於奶奶的要求，事主斷言拒絕，

「咁我就同奶奶講，我除咗名我娘家點，跟住我奶奶一句達落嚟，佢哋要交雙倍租就由得佢哋交，我聽到好唔舒服，我就立即應奶奶，唔得，我唔可以加名。」

對此，事主批評奶奶「完全唔尊重，又無禮貌」、「好自私，乜嘢都想咗自己先」並向一眾網民求教：「請問仲有無咩辦法可以解決？」

此事引來網民熱議，有人對於事主夫家及娘家的狀況感到疑惑，更認為包括事主一家三口，他們幾家人均在濫用公屋資源，「你兩母女住邊就放名喺邊啦......」、「由得佢哋大屋搬細屋，霸咁大地方做咩」、「樓主自己屋企同老公屋企算唔算濫用公屋？一個唔除名交平租，一個住大屋唔想搬細」、「其實住邊就放名喺邊啦，真係唔知邊個自私」。

嫌公屋細當倉用密謀偷鄰居WiFi，港男抱怨：得嗰200幾呎點住？，詳情即睇：【下一頁】

每朝索取《晴報》：精明生活．健康家庭．開心娛樂

責任編輯：李凱晴