相信不少人都有將鞋放出家門外的習慣，但小心隨時被偷走！一名港男昨日（19日）在網上發帖，指有日發現放在門外的「波砵」消失不見，未料至昨日坐巴士上層時，才驚見波砵竟然出現在巴士站頂，於是求教一眾網民將它取下的方法。至半夜，有熱心網民爬上巴士站替事主取下波砵放在路邊待領，惟最終結局卻是峰迴路轉。
港男在巴士上層，意外發現巴士站頂有一對疑似屬於他的波砵。（「連登」圖片）
該名家住屯門的港男昨日在網上討論區「連登」，以「【求助】畀人偷左對波砵 之後發現自己對鞋...」為題發帖，指自己一向有將鞋放在家門外的習慣，「有一日出門口，發現有對波砵唔見咗，咁我趕住出門唔理啦，以為阿媽擺咗入鞋櫃」；未料他當日坐巴士上層時，卻意外發現巴士站頂有一對疑似屬於他的波砵，
「邊個咁大整蠱將我對鞋擺上巴士站站頂，仲要咁整齊！想問有咩方法拎返落嚟，CALL消防得唔得？」
【你有壓力我有壓力】巴士男食排骨飯少女勸阻引爭執，港男一句幽默說話完美化解糾紛，詳情即睇：【下一頁】
不少同區網民留言表示，該對波砵已被人放在該處良久，「係呢個位好耐啦喎，而家先發現到？」、「早幾日搭車經過已經見到，心諗做乜」、「見倒好多日，原來係你嘅」，有人更搞笑地在經過時拍下最新照片。對此，事主表示自己之所以到昨日才發現，是因為平時會在前一個站落車，當日碰巧搭巴士出市中心才發現。同時，他又指自己穿43號鞋，又疑問道：
「唔使咁大陣仗啊，佢點擺上去……問題係，你玩我，掉咗佢都仲好，點解你要咁有心咁整齊咁擺上巴士站上面？」
熱心網民取回波砵後，發現果真是43號鞋。（「連登」圖片）
此事引來網民熱議，紛紛留言向事主提供各種取回波砵方法。其中，更有熱心網民於今日凌晨爬上涉事巴士站頂，替事主取回波砵，並放到路邊等待事主領回，
「又真係43號鞋嚟！」
熱心網民將波砵放到路邊，等待事主領回。（「連登」圖片）
未料至今早10時許，事主才睡醒並趕到巴士站路邊，卻發現波砵早已消失不見，不禁大呼：
「街邊鞋都偷無人性㗎……希望唔好第個巴士站見到！唔好搞我啦，心很累，得知可以拎番對鞋嗰刻嘅心情，同而家一刻嘅心情，真係天堂同地獄咁。」
事主睡醒趕到巴士站路邊後，發現波砵早已消失不見。（「連登」圖片）
對此，不少網民留言稱：「現在九成畀7點清潔阿姐掉咗去堆填區」、「又唔自己爬上去執，有巴打幫你就成十點先出去執，得而復失當買教訓」、「日曬雨淋咁耐，執返都唔知好冇著」。對於網民「仲有冇擺鞋出門口」的提問，事主直言：「唔敢了！」
【路不拾遺】疑僅取機1日遺失萬元iPhone 12，正直城巴車長拾獲交回公司，詳情即睇：【下一頁】
每朝索取《晴報》：精明生活．健康家庭．開心娛樂
責任編輯：李凱晴