【家庭趣事】生病只因夜瞓 用電腦等於打機 網民細數媽媽「神」邏輯超爆笑

「咁夜出去做賊？」、「咬親條脷一定係熱氣」有網民近日在網上分享媽媽的「神」邏輯，表示母親報時總會提早，又對預防感冒有自己一套獨門方法，讓身為兒子的他也摸不著頭腦。不少網民紛紛分享自己母親的奇怪邏輯，有人笑言母親總不會認錯︰「我唔理，總知就係你唔啱！」，但同時有早年喪母的網民感慨，儘管母親看似無理取鬧，但大多都是出於對家人的關心，籲大家要珍惜眼前人。

一名網民於周二（10日）在連登討論區以「大家老母有冇乜嘢奇怪嘅邏輯」為題發帖，邀請網民分享母親異於常人的邏輯。他率先分享，指母親報時永遠提早，絕無準時或遲到：

「明明個鐘係9點05分，佢就會話︰「9點半啦阿仔！要出門啦。」

他又稱媽媽獨有預防感冒的方法，「出門一定要拍兩下心口，咁樣就唔會感冒」，讓人百思不得其解。對此不少網民大讚事主媽媽可愛，也有人指自己媽媽同樣經常「提早報時」，十分有共鳴。

生病必定與「夜瞓」和「熱氣」有關

帖文中網民踴躍分享媽媽的「神」邏輯，當中最多媽媽掛在嘴邊的，就是批評子女的生活習慣，認為夜睡和「熱氣」是所有疾病的起源，「乜嘢病都係因為夜瞓」、「咬親條脷一定係熱氣，病一定係夜瞓」、「任何傷風感冒，都係得2個病因，夜瞓同熱氣；攰就一定係成日玩電腦/電話」。

另有人指，媽媽經常醫生「上身」，自行斷症︰「打個噴嚏就係感冒、咳一聲就係熱氣」、「朝早唔可以飲水，會胃痛壞胃」。有人戲稱，華人母親總會自詡「1秒神醫斷症大法」當中毫無科學根據：

「中醫︰喉嚨痛 = 熱氣
西醫︰流鼻水傷風感冒 = 冷親
西醫（腦科）︰頭痛 = 捱夜」

幽默媽媽勸阻子女夜跑

父母多數不喜歡子女出夜街，有一位網民指，每當自己外出夜跑都被母親勸止，期間發生有趣一幕︰

「我一向鍾意夜跑，阿媽就唔係好鍾意,

我每次去跑佢都會用呢句嘢煩一煩我,

媽：咁夜出去做賊呀？

我通常唔理，不過耐咗就想駁下嘴,

我：唔係呀，去捉賊呀！

結果過多幾次之後,

我一出街夜跑佢就會問……

 

媽：又出動啦？黑玫瑰！」

阻止子女打機有法

許多網民都表示，媽媽為勸阻自己打機，提出的理由不外乎影響健康、損壞電器，「打機生百病，飲水醫百病」、「玩ps會整壞個電視，唔准打機」。細個時打機，「而家讀好啲書！大個咗你鍾意打乜嘢都得啦！」；大個時打機，「咁大個人仲打機？仲細咩？」

有網民則指，每次用電腦都會被媽媽誤以為打機，感到非常無奈，「坐喺電腦面前一定係打機」、「係可以打字寫緊essay（論文）成堆英文都話你打機」。

餐廳食物必定有味精

為健康及慳錢，父母大多愛在家中用餐，有人表示，媽媽總會認定餐廳食物必定添加了味精，以致每次外出吃飯總覺得掃興，「買乜嘢畀佢都話食完好口渴，肯定有加味精，最冇癮就係出去食飯剩係『我唔餓、有味精、以前我食過間仲好食』！」

另有網民表示，母親覺得水果、蔬菜及湯水不飽肚，經常強逼自己飯後要繼續進食。

對電器有獨特見解

對於家中電器的維修及使用，父母也有獨特見解。有網民形容父母經常認為「電器壞咗拍一拍就冇事」，又指「全家要11點前沖晒涼，早啲熄個爐會慳啲」、「微波爐叮完嘢食要攤一陣，等啲微波散走先食」；甚至對於家居安全，也有出人意表的看法：「微波爐會爆炸」、「煲水時唔可以開煤氣爐煮嘢，會爆炸」。

喪母網民：要珍惜煩你的媽媽

不過有早年喪母的網民提醒，儘管母親再囉嗦、再煩人，也應珍惜彼此相處的日子，以免後悔莫及：

「希望有老母煩嘅你，請珍惜你老母！」

港女分享媽媽操刀「超動感」食物相，取笑背後極有愛：佢煮嘢勁好食，詳情即睇：【下一頁】

每朝索取《晴報》：精明生活．健康家庭．開心娛樂

撰文：黎穎芯