【居住問題】哥哥女友進駐不交家用白食長住 港女：住屋企住到好似我先係外人

本港樓價高企令市民難以「上車」，家人之間容易因居住問題而引發爭端。一名港女日前在網上討論區吐苦水，指哥哥在未有知會父母及她的情況下，擅自讓女友遷入家中，一住就3年；而且兩人從沒交家用，哥哥女友的衛生亦欠佳，雜物更佔據家中不少空間。對此事主及父母深感煩擾，忍無可忍的她打算向哥哥攤牌，但奈何始終無法找到機會，「各位巴打絲打，我應該點做好呀？」

「其實我真係覺得我住屋企住到好似我先係外人咁。」該名港女昨日（12日）在網上討論區「連登」以「求救！哥女朋友長住屋企 易請難送 應該點做好」為題發帖，表示哥哥女友原本住在公屋、沒有自己房間；自與哥哥拍拖後，對方便立即進駐他們家中，至今已經近3年。而她與哥哥亦沒打算結婚，兩人在家中居住亦從沒交家用，

「佢（哥哥）由一開始畀女朋友嚟住，就已經無問過我父母同我……每一日都喺我屋企食、住、返工、放工……佢（哥哥女友）連水電煤飯錢所有嘢都無出過，平時求其買啲平嘢返嚟就當貢獻，搞到好似我爸媽要養多個女咁。」

【居住問題】家姐誕B後與老公搬回公屋娘家，弟弟呻被鵲巢鳩佔憂被迫走：「好似我欠咗佢哋成家」，詳情即睇：【下一頁】

事主指出，由於自己在外國留學，每年只回家數次，每次住一至兩個月，「所以我選擇忍咗佢，因為我一返嚟就搞咁大鑊嘢，好似變到係我搞事咁。」但直至她近半年留在香港，同住下發現難以忍受；即使是在自己家中，亦感到十分不自在，

「佢女朋友啲衛生情況唔太好，用完啲口罩亂咁放。疫情初期去完旅行，叫過佢返自己屋企隔離，佢死都唔肯隔離，係都要住我屋企。」

事主續指，哥哥女友衣物甚多，佔據家中空間；她甚至會玩「離間計」，離間一家人感情，「成日私底下同我哥講，我爸媽錫我多過佢」除了事主外，事主父母亦對此深感不滿，「其實一直都有同父母傾開，佢哋都唔係好滿意佢女朋友，但佢哋唔想搞到我哥唔開心，所以無講出口，但曾經有暗示過。」

可惜的是，即使父母百般暗示仍無用，而他們亦不想攤牌破壞家庭關係，因此事主只好打算出面做「醜人」，「我會畀啲壓力我爸媽去處理先，如果真係唔掂，就要我出手啦。」為此，她詢問一眾網民意見：

「其實好想請佢走，但諗左好耐都唔知點講……我應該點做好呀？」

網民建議：直接坐低大家認真傾

此事引來網民熱議，不少人表示同情事主及其父母，紛紛留言建議道：「直接坐低大家認真傾，遲啲如果結埋婚都應該唔會走」、「同你阿哥講清楚囉，佢女友唔搬咪叫你阿哥搬出去住囉」、「呢啲嘢要長輩出聲先有效，得你一個人講冇牙力，仲會搞衰你同阿哥關係，萬一佢真係嫁咗入嚟就大鑊，食飯都面阻阻咁」另有網民表示感同身受，「過來人，趕唔走㗎……有家教嘅人 vs 厚面皮嘅人，係無佢符」。

【居住問題】父親講明層樓留給弟弟娶老婆，家姐感心悒「做女冇份咩」，弟弟網上求助：應該點安撫家姐？，詳情即睇：【下一頁】

每朝索取《晴報》：精明生活．健康家庭．開心娛樂

責任編輯︰李凱晴