【食用安全】隔夜餸加料翻煮連食5日 老爺奶奶太慳同住新抱難忍

婚後與老爺奶奶同住，常因生活習慣不同產生磨擦，一名新抱在網上吐苦水指，老爺奶奶向來非常節儉，但有一個習慣令她難以忍受，指他們愛將剩下的餸菜不斷翻煮，甚至試過「1個餸食5日」，令她食慾大受影響。

該女網民於Facebook專頁「我的極品四大長老」投稿，指自己與丈夫的成長背景差異大，丈夫的家庭背景並不特別富裕，老爺奶奶也非常傳統，拼命工作賺錢為兒子供書教學，生活節儉 ; 她自己則是生活在「月光族」家庭，食好住好，由工人照顧長大，

「今餐想食滷肉飯，下餐又可以食海南雞飯。只要想就去做，唔好令自己後悔」。

不斷翻煮雞肉食足五日

然而，女事主在婚後與老爺奶奶同住，雙方生活習慣慢慢出現分歧。她透露，老爺奶奶會「一餐變五餐」，將同一份食材重覆烹調至吃完為止，

「第一餐食鹹雞，食餘（剩）了，第二餐翻熱再食，再食餘（剩）了下餐用薯仔再炆！第三餐薯仔鹹雞食餘（剩）了，第四餐翻熱，都未完嘅話，第五餐加埋蘿蔔！」。

女事主指，雖然每餐看到同一道菜，食慾大受影響，但考慮到對方在炎炎夏日仍為全家準備飯菜的辛勞，仍會吃下。她曾嘗試以婉轉的方式勸導：「隔咁多餐唔係咁健康喎」、「今日咁熱，不如我哋出去食好啲」，惟對方早已習慣此生活模式。女事主對此大感無助，並向網民問道︰「我可以點做？改變不了他們，改變自己？」

網民勸籲勿改變對方 ︰一係搬一係接受

有網民建議女事主在第一餐時將所有飯餸吃完，沒有剩菜就不用吃隔夜餸，有人則提出應與老爺奶奶溝通，解釋食隔夜餸有損健康，相信對方會理解，「節儉係美德，不過要同佢哋講，啲嘢食放超過2日就唔食得，如果佢哋唔聽就唔使再理，自己堅持唔食，等你老爺奶奶自己食番嗰碟嘢！」。亦有網民指，既然女事主選擇搬到夫家同住，就要習慣對方的生活模式，不要試圖改變他人，「一係搬，一係接受」。

【台灣調查】73%大腸癌患者常吃隔夜餸 營養師拆解5類高危剩菜 詳情即睇︰【下一頁】

內容獲「我的極品四大長老」授權轉載。

每朝索取《晴報》：精明生活．健康家庭．開心娛樂

撰文︰劉紀瑩