【塞過紅隧】重陽假期大美督水壩塞爆家庭單車 目擊者：幾乎以為是出埃及記

在一連3日的重陽長假中，不少市民都趁機一家大細郊遊玩樂。昨日（25日）大美督水壩驚現長長「車龍」，只見斜坡上塞滿多輛家庭單車，幾乎動彈不得，人流極為密集，令目擊者不禁大嘆：「幾乎以為是出埃及記！」

{{hket:inline-image name="tp261020201.jpg"}}{{/hket:inline-image}}

斜坡兩旁亦有大量人群步行。（「Tai Po 大埔」圖片）

一名網民昨日在Facebook群組「Tai Po 大埔」圖文並茂發帖，相片中只見大美督水壩塞爆家庭單車，多輛載著大人、小朋友的單車正在排隊上壩及落壩，十分誇張；當時一架單車貼著另一架的車尾，兩旁亦有大量人群步行，有人更索性落車等候或推車。

對此，該名網民不禁表示：

「今天下午奇景，誓要上水壩的香港人，幾乎以為是出埃及記……」

{{hket:inline-image name="tp261020203.jpg"}}{{/hket:inline-image}}

一架單車貼著另一架的車尾排隊落斜坡。（「Tai Po 大埔」圖片）

帖文引來網民熱議，不少人大呼誇張，「其實你哋知唔知有幾危險？」、「水務署多年前已經喺斜路底做埋個閘唔畀你哋上」、「香港人大壓力就算逼都要鬆下，不過逼成咁同返工差唔多囉」、「平時返工塞車仲未塞夠？放假都要塞下車先有feel？」、「等睇14日後可能又爆」。

重陽山火直逼元朗大樹下狗場，熱心市民通宵營救近200隻貓狗，詳情即睇：【下一頁】

{{hket:inline-image name="tp261020202.jpg"}}{{/hket:inline-image}}

有家長推著家庭車上斜坡，現場十分混亂，險象環生。（「Tai Po 大埔」圖片）

另有網民上傳一張照片，顯示到了晚上，大批遊人在大美督巴士站排隊等車離開。對此，有住在附近的網民留言怒轟：「今日晏晝睇住架家庭車差啲衝出馬路，一到假日就係咁，架架小巴巴士都爆，返屋企又唔得，出大埔又唔得，交通配套冇改善過，沙灘又就嚟開放，船灣又起啲唔知乜屋，係咪當住汀角路沿線嘅人死？」、「住喺大美督啲人真係多得你哋唔少！」

{{hket:inline-image name="tp261020204.jpg"}}{{/hket:inline-image}}

晚上有大批遊人到巴士站排隊。（「Tai Po 大埔」圖片）

蘭桂坊醉娃$2萬卡地亞錶付$78車資，的士司機心驚欲交回結局意想不到，詳情即睇：【下一頁】

每朝索取《晴報》：精明生活．健康家庭．開心娛樂

責任編輯：李凱晴