【隔代教育】爺爺嫌孫仔太乖教掉玩具跳梳化 港媽不滿2歲兒遭教壞變曳

長輩傳統教育方式與現代父母未必相同，難免產生分歧，一名全職媽媽日前在網上大吐苦水，指其老爺不滿2歲兒子太乖，因此每次見面都會教他掉玩具、從梳化跳下等，導致兒子每次見完爺爺後，都會由乖巧聽話的小朋友變「曳」 ; 及後她都要花時間去再教導兒子，為此感到不滿。

該名港媽在Facebook專頁「生仔要考牌系列」投稿，指自己是一名育有兩孩的全職媽媽，大仔現時2歲，細女幾個月大。她自問用心教育子女，兒子聽話有禮貌，見到長輩會叫人，未料卻被老爺「教壞」，

「我老爺每次見佢，都一定會教壞佢，教佢拎玩具掉人、拎棍打人、企喺梳化邊位跳等等等等，做埋啲有機會整親自己同傷害到人嘅事！」

爺爺不滿孫子太乖 港媽崩潰

港媽對老爺的行為大惑不解，指兒子每次與對方見面後都會變「曳仔」，需花時間重新教導。近日類似事件又再次發生，港媽指丈夫發現她「黑面」後，則向奶奶探口風，奶奶指老爺認為兒子「太定」、「太乖」。港媽聞言更為憤怒：

「係乜嘢歪理？有邊個唔想小朋友又乖又聽話？唔通要教到出街就被人鬧，被人話周圍跑整親人先至叫好？」

她隨即將兒子抱回房間，待老爺離開後才開門，更表示日後不想老爺和奶奶踏進自己家門。

網民建議港媽與其避開 不如準備對策 

帖文引起熱議，有網民認為乖巧與頑皮的定義較主觀，難以判斷，「乖不等如好，曳不等如壞 ; 定義點樣分，睇細路造化」、「曳和勇敢分唔清」、「老一輩思想，覺得小朋友要活潑」，「驚佢大個比人蝦（欺負）」。亦有人提到，小朋友日後上學，甚至成長過程會遇到好多人，接收不同資訊，與其避開，不如面對，

「自己小朋友被教壞，固然心痛，但爺爺嫲嫲只係開始，你可以收起自己小朋友在房內收到幾時呢？」

文章獲Facebook專頁「生仔要考牌系列」授權刊登。

【育兒之道】苦勸太太勿催谷兒子入名校 草根港爸訴自身經歷：路不會因此平坦 詳情即睇︰【下一頁】

每朝索取《晴報》：精明生活．健康家庭．娛樂資訊