【真愛何價】男友被嫌棄是「公屋仔」 港女大呻母親市儈 「叫我唔好諗住同佢結婚」

本港樓價高企令市民難以「上車」，不少人更指抽到公屋是如獲至寶；然而，不少人仍對公屋存有階級觀念。一名港女日前在網上吐苦水，指母親十分市儈，嫌棄其男友是「公屋仔」，更著她將來切勿與男方結婚。對此，事主不禁大呻：「有錢又唔等於對你好，點解睇到錢咁重？」

該名港女昨日（16日）在網上討論區「Dcard」以「老母嫌男朋友係公屋仔」為題發帖，指自己一直都覺得母親十分市儈，因此隱瞞對方自己的感情狀況；拍拖幾年後，因有感經常向母親說謊十分辛苦，遂向對方坦白。

列出公屋父母7大問題，港女看低「公屋仔」成功機會：「無交往價值、將來和希望」，詳情即睇：【下一頁】

未料，母親得知後的反應，卻令事主十分難受，「點知佢一開口關心嘅嘢全部都係錢，一嚟就問我佢住邊，又話『吓，又搵個住公屋嘅』（但我哋都係住公屋），跟住就係咁問收入，問返咩（工）。」接著，母親更稱：

「我好唔滿意囉，佢做呢啲工又住公屋！」

事主續指，母親不斷大數男友不濟，更表明不想女兒與「公屋仔」結婚，「講到明叫我唔好諗住同佢結婚，拍吓拖就好」；而最令事主傷心的是，母親著緊的只是錢，其他的概不關心，

「成個過程係無關心過我哋點識，一齊咗幾耐，佢對我好唔好，淨係識問錢錢錢。」

另有一次事主生日，獲男友贈送一部蘋果iPad作禮物。回家後，當母親見到iPad，即詢問事主是否男友所贈；事主回應「是」後，母親竟然表示：「咁我呢，佢唔使送嘢畀我㗎？我部電話都就嚟壞，唔係應該要送嘢畀我嘅咩？」對於母親的反應，事主大感無奈，「我聽到已經即刻話：『吓，點解要送畀你？』」

事主不禁慨嘆，母親「淨係識睇錢」令她大感辛苦，雖然她與男友拍拖是他們兩人的事，但如果母親一直不喜歡男方、又如此市儈，「最後唔通又要反晒面咁咩？」最後，她傷心地稱：

「有時真係唔明啲父母諗咩，有錢又唔等於對你好，點解睇到錢咁重？」

網民同情事主：媽媽或覺得「錢」先係唯一安全感

此事引來網民熱議，不少人留言表示對同情事主，「佢自覺為你好就講呢講路，有理過你感受？」、「抱抱樓主，就算真係搵到個住私樓嘅男朋友，阿媽一定有更加多嘅要求」、「雖然都知父母心裏想個女嫁個好人家，有家底，唔想你捱苦，但係......你唔鍾意個男仔嘅話就算佢係李嘉誠都冇用㗎喎？」、「惟有咁諗：佢以前經歷過嘅嘢，令到佢覺得『錢』先係唯一嘅安全感」。

不理解為何下嫁「公屋仔」，港女認為靚女嫁中產都委屈：「除咗奉子成婚諗唔到其他原因」，詳情即睇：【下一頁】

每朝索取《晴報》：精明生活．健康家庭．開心娛樂

責任編輯：李凱晴