【力數4宗罪】陳嘉倩被指黑面擺款恰新人 為「保女神形象」要求改劇本

前無綫新聞主播陳嘉倩身形嬌小兼樣子甜美，唔少宅男都奉佢為心目中嘅女神，再加上形象專業，離開主播行列後成為廣告商寵兒。不過人紅是非多，繼早前有人用「揞名爆」方式指佢工作態度惡劣，愛擺「阿姐款」後，日前又再有自稱佢「忠粉」嘅人狂數女神4宗罪。

{{hket:inline-image name="9.jpg"}}{{/hket:inline-image}}

（影片截圖）

有自稱是陳嘉倩「忠粉」的人指，自己早前以工作人員身分參與拍攝她的一個廣告，令佢對女神嘅幻想破滅。「忠粉」指她鏡頭前與工作圑隊開心Selfie，但鏡頭後就係第二個人。

{{hket:inline-image name="118368491_597120744312177_668523838393326998_n.jpg"}}{{/hket:inline-image}}

（周子揚IG）

恰新人

陳嘉倩、周子揚及新演員黃以諾忙拍廣告，「忠粉」指懷疑因為黃以諾頻頻NG，喺旁邊等埋位嘅陳嘉倩翹埋雙手，表現唔耐煩，更黑口黑面睥住新人。

{{hket:inline-image name="118356354_313360579880841_2395649504769201674_n.jpg"}}{{/hket:inline-image}}

（周子揚IG）

旁若無人

陳嘉倩貪靚補妝，但就唔理身邊環境，全程企通道中間，阻礙另外兩位演員綵排。

臨時改劇本

「忠粉」指最令全組工作人員不滿嘅係要臨時改劇本，因該廣告原本講述陳嘉倩深受鼻鼾困擾，但其經理人突然以「保女神形象」而拒拍。之後拍攝最後嘅求婚戲，經理人再次以「覺得呢場戲冇需要」，加上要準時3時收工為由，再度拒拍，令在場所有人非常無奈，結果廣告拍到「甩皮甩骨」，要勞煩工作人員OT，重組故事及剪輯修改。

{{hket:inline-image name="118348752_773889506706792_4776703080365723992_n.jpg"}}{{/hket:inline-image}}

（周子揚IG）

時間管理不周

「忠粉」補充指廣告由早上10時拍至下午3時，但陳嘉倩化妝超過1個鐘，加上臨時改劇本，令拍攝進度「遲上加遲」：「成個廣告其實正式拍只係3個鐘，佢就袋幾皮嘢，補拍要另計錢喎！」

{{hket:inline-image name="10.jpg"}}{{/hket:inline-image}}

（影片截圖）

陳嘉倩回應時對「指控」感到莫名其妙，話自己每次同人合作都好愉快：「始終未查清係咩事，一笑置之吧。」其經理人亦指不可能，表示唔會「倒自己米」，又話嘉倩諗嘢時唔會笑盈盈，仲要兼顧埋背稿 ; 而對手周子揚就認為，陳嘉倩被指長期黑面可能係角度問題：「個廣告有啲未拍晒，都覺得幾遺憾。」被問到係咪同陳嘉倩有關時，佢就話拍嘢有NG、Delay都正常嘅，拍攝時間唔係好足夠咁話。