【明星的第一次】呂慧儀望住囝囝返學感動到喊 林秀怡17歲難忘被監製訓話

每個人的人生中有數以千計「第一次」，有些可能微不足道，但亦有一些是畢生難忘的經歷，當中有喜亦有淚，以下幾位藝人訴說難忘的「第一次」，從他們憶述出來，都會感受到當中的苦與甜。

呂慧儀：蟹籽第一日返學感動到喊

呂慧儀回憶兒子「蟹籽」第一日踏入校園生活，她竟然感動到喊出來：「佢第一日返學，我感動過佢，仲同佢講：『大個仔，返學啦！』真係好低能。」為了囝囝有良好讀書環境，呂慧儀在「蟹籽」入學前已四出找尋好學校，又讓他面試多間幼兒園，她笑言望住囝囝著校服，原來又有另一種感覺。另外就係我之前去學電單車點知原來懷孕一個月，見到自己未見肚就膽粗粗繼續學，所以我個電單車牌囝囝都有份考。」

{{hket:inline-image name="67a012c5ly1gi3hory0thj20u00u0gob.jpg"}}{{/hket:inline-image}}

{{hket:inline-image name="67a012c5ly1gcmlvb6ulmj20p00p040h.jpg"}}{{/hket:inline-image}}

（呂慧儀微博）

袁文傑：戇居居做咗男一

在亞視出道的袁文傑，原本只是飾演「路人甲」的演員，忽然有一日獲金牌監製賞識，還點名做新劇男一，令他喜出望外：「97年仲喺亞視，大年初六返去廣播道試鏡，其實已經肯定咗演二線角色，忽然有一日《雪花神劍》監製蕭笙叔叫我去見佢，傾咗成個下晝，原來佢想安排我做『男一』，當時好驚訝，因為我仲係新人戇居居咁，原來係蕭笙叔覺得我夠高，外型又似劉永同秋官（鄭少秋），同劇仲有徐少強、米雪、John哥（姜大衞）、陳煒同楊恭如，呢個真係一個不能複製嘅組合。」

{{hket:inline-image name="aRIihB200604_1342209.jpg"}}{{/hket:inline-image}}

（網絡圖片）

{{hket:inline-image name="Zky9uM7G9ohb1ZV34Ps8XAyzBll8MlklfPFtF3zxbRc.jpg"}}{{/hket:inline-image}}

（劇照）

江嘉敏：成功考獲電單車牌

性格充滿野心的江嘉敏，連考電單車牌都唔服輸，半年前她報考電單車牌，面對第一關「強制試」，需要在試場打「8」字圈，她說：「本身19歲考到貨Van牌，於是諗不如學埋電單車，第一次騎就跌損腳，曾經諗過放棄，直到考試當日，我提早三個鐘到試場不停練習，最終全班得兩個人合格，我係其中一個，當時真係開心到跳起；另一件難忘第一次就係同媽媽嗌交，當時大約13、14歲，有日媽媽幫我執房，掉咗小學老師送畀我嘅水晶音樂盒，係小學畢業禮物，我嬲到即刻鬧媽媽，點知佢反而鬧我唔應該指責長輩，結果我同佢冷戰咗一個禮拜，後來佢買咗差唔多款嘅水晶球送畀我，我先知道媽媽其實好錫我，只係平日佢唔會表達出嚟。」

{{hket:inline-image name="51477287_2702747619765566_3820316114928271360_n.jpg"}}{{/hket:inline-image}}

{{hket:inline-image name="10314730_811866035520410_7496212278914578015_n.jpg"}}{{/hket:inline-image}}

（江嘉敏Facebook）

林秀怡：被監製訓話兩小時

林秀怡雖然多演三、四線角色，然而這塊「綠葉」卻非常搶鏡，演技更獲不少前輩讚賞。原來她的演技獲賞識，與監製張乾文一席訓話有關：「記得初初入TVB，好多藝員都有機會被監製約見面，一般傾談約20分鐘，不過嗰次張乾文見我，足足傾咗兩個鐘，佢話我無野心，成日收收埋埋，應該要主動一點，嗰時我得17歲，傾談完之後，佢五年後先搵我拍劇，我好多謝佢嘅教導；另一件難忘事係第一次同男友梁啟政去旅行，當時同佢拍咗拖兩年，第二年我哋第一次去韓國旅行，好多朋友都話情侶要一齊去旅行先會了解對方，我哋去到韓國就好似老夫老妻無嗌過交，嗰一刻我就認定：『係佢啦！』。」

{{hket:inline-image name="LAM20200727_0323232_1024.jpg"}}{{/hket:inline-image}}

{{hket:inline-image name="67558687gy1fgpidt6qzcj20qo140jxv.jpg"}}{{/hket:inline-image}}

（林秀怡Facebook）

採訪：Pauline