【婆媳同住】沖涼洗頭要擇日 大便後直接洗碗 新抱難忍奶奶衛生習慣嗌「救命」

相見好同住難，婆媳同住常有磨擦，一位新抱近日在網上抱怨，指同住的奶奶衛生習慣惡劣，除了堅持要擇日才洗澡洗頭外，曾經在大便後未有清潔雙手，便直接入廚房洗碗，認為可「順便洗手」，欠缺衛生常識，使她大感困擾。

該新抱昨日（13日）在facebook群組「同住奶奶好惡頂自由討論區」發文，慨嘆奶奶衛生意識薄弱，指其並非每日洗澡洗頭，反而要擇定吉日「左算右算邊日做」。除此以外，新抱指奶奶每次大便後不會以梘液洗手，僅用清水沖手，甚至發現她大便後直接離開浴室，拿碗碟入廚房清洗，「順便當作洗手」，令她感到崩潰，

「點解連洗隻手都左算右算幾時洗？？？？！！！！ 救命！！！！！」

港女婚後住男家與奶奶同屋，不滿大裝修被阻網民批「鵲巢鳩佔」，詳情即睇：【下一頁】

奶奶如廁後不沖廁

此外，事主又指奶奶每次如廁後都不會沖廁，更目睹一整條糞便粘著馬桶，一直無法沖走，事主忍無可忍只好「自告奮勇」清潔馬桶，

「當時蠢咗，應該叫佢搞番掂，但我無，走去搵擦擦條屎，之後心理陰影咗一星期。自己屎都覺核突，仲要幫一個又討厭嘅人清理真係好難頂。」

她批評奶奶毫無衛生意識 ，雖然姑仔曾提醒奶奶搭巴士後要用搓手掖清潔雙手，卻遭對方責備多此一舉，甚至道出歪理：「殺晒啲菌身體無抵抗力！」

新抱共嗚 盼有良策助改壞習慣

帖文引起不少網民共嗚，紛紛分享自己與奶奶同住的經歷，「我奶奶都係，洗頭要算下初幾做」、「我奶奶朝早去完廁所都只會用水冲一冲，夜晚起身去完廁所，例牌唔關門唔冲廁唔洗手」；有人則表示，在疫情期間本應提高防疫意識，但奶奶「入屋唔除鞋行到入房，痾完屎尿淨係關埋廁所蓋，用完牙線放喺洗手盤（盆）邊」、「我奶奶都係扔完垃圾唔洗手，去完街返嚟亦冇即刻洗手，又唔晚晚洗頭」，令一眾新抱感頭痛，盼有方法可令奶奶一改壞習慣。

對海鮮過敏被未來奶奶逼食蝦，全身出疹痕癢反被嫌棄身體差，詳情即睇：【下一頁】

每朝索取《晴報》：精明生活．健康家庭．開心娛樂

撰文：黎穎芯