【孤寒新郎】「朋友」結婚欲借免費花車 要求做司機接送14個鐘 苦主呻︰油錢都倒貼畀你

結婚涉及龐大開支，有人為了慳錢會「碌盡」人情牌。一名網民日前分享，指一位不熟絡的朋友即將結婚，對方竟然問他免費借車用作結婚花車，又希望他可作司機幫忙接送，約需14小時。事主要求計回油錢和司機日薪，但遭對方拒絕，遂大感無奈︰「想唔使錢問人借車個吓真係好肉酸厚面皮。」

該網民日前（5日）於「連登討論區」以「啲人結婚問朋友借車仲要人哋做司機係乜嘢心態」為題發文，指早前有一位只有數面之緣的朋友主動聯絡，表示自己快將結婚，打算向他借車作結婚用的「花車」，並請他幫忙接送，

「話大約凌晨5點接新娘，再接唔知邊個，再去攞婚紗去酒樓，再送去長輩屋企，大約去到夜晚8點囉，免費幫佢得唔得。」

要求索回油錢司機薪金被拒

男事主回應對方指，可以借車但要計回油錢和司機日薪，惟對方聞言後婉拒：「要錢咁唔使啦。」男事主聽後大感無奈，直指與對方並不相熟，從未受過對方恩惠，卻被要求做免費司機14小時；他又指，每次入滿油缸花費近千元，油錢都要「倒貼」，「倒貼做司機嘥錢嘥時間嘥精神」，斥責對方想免費借車之舉非常厚面皮，更認為對方沒有錢就不應結婚。

他又透露，新郎夫婦婚後打算分居，各自與家人同住，

「擺酒啲錢同婚紗西裝結婚戒指又係搲返嚟？」

網民力撐事主

帖文引起熱議，不少網民力撐男事主，認為支付油錢是基本禮貌，「唔坐車，搭巴士咁計都唔止$20啦去咁多地方，真係當你免費勞工」、「不過如果真係friend 都直接做兄弟啦，點會做司機」、「老老實實，如果兄弟嘅，你人生大事，我幫你開一日車又點，不過重點係個新郎同樓主唔熟呀」。

此外，亦有網民分享慘痛經歷，指曾借車給朋友辦婚禮，翌日歸還汽車時卻發現「泵把」和車身側面有刮花痕跡，更有不少膠紙漬；惟對方卻否認責任，指在借車時已出現問題，「度縮到不得了，有著數嗰陣就搲到天荒地老。」

憂被連累扣分 愛車被損毀

惟有部份網民斥責男事主斤斤計較，男主事回覆時解釋，借車給人非常不便，接送多人難免弄污車廂，如果不慎造成損毀又不知道由誰負責；再者，他又擔心借車後如果司機駕駛不善連累自己被扣分，非常不值，

「罰一罰又幾百蚊，油錢一千，揩花（車身刮花）補油又幾千，去你婚禮仲要畀人情800（元）」。

【嫁女與賣女】迎親日不滿利是僅1.8萬元，外母變臉刁難新郎要求加碼，詳情即睇︰【下一頁】

每朝索取《晴報》：精明生活．健康家庭．開心娛樂

撰文︰劉紀瑩