【失業負擔】丈夫失業半年堅持開冷氣 39歲準媽媽懷胎8月成經濟支柱 「開始接受唔到要養佢」

受疫情影響，不少市民陷入失業困境。一名39歲準媽媽日前在網上吐苦水，指丈夫已失業半年，令她成為家中經濟支柱。近日天氣轉涼，惟丈夫仍無視電費開支，堅持家中要開冷氣。對此，事主深感丈夫沒有考慮家中的經濟情況，直言：「開始接受唔到好似我要養佢咁。」

該名準媽媽上周三（7日）在網上討論區「親子王國」，以「老公失業半年，我成為經濟支柱」為題發帖，指她和丈夫本來任職航空業，經濟環境不錯，惟近半年受到疫情影響，丈夫失去工作，自己每月收入亦要減半。直至近日天氣轉涼，丈夫卻堅持每晚都要開冷氣睡覺，事主遂向他反映問題，「我話嘥錢，咁涼都要開冷氣，我話你交電費呀」；然而，對方卻為此向她「發晦氣」，「佢竟然話有就畀你，無我點畀呀！」

此外，事主又透露丈夫每月仍會交上4,000元家用幫補一下，惟大部分支出仍需由事主負責，因此她抱怨丈夫不理解自己的難處，

「我又要交租又要食，仲要畀工人錢，遲啲BB出世又用錢......我開始接受唔到好似我要養佢咁，我哋個行要搵工最快要下年4月先有機會，佢好似唔明白我嘅壓力咁。」

對此，事主又解釋，自己不希望對方開冷氣的原因，除了電費問題外，亦因為天生患有有輕微地中海貧血症、已懷胎8個多月的她覺得凍，「除咗錢之外，我仲覺得佢唔care（關心）我呢個怕凍嘅大肚婆。我11月尾就生啦，今胎第一胎，不過我都39 ，係高齡產婦。」不過她亦有反思自己，遂詢問網民，自己要求丈夫節省電費、不開冷氣的要求是否過分，

「其實我叫佢唔好咁涼都開冷氣係咪我過份呢？」

網民勸事主丈夫轉行：馬死落地行

帖文引起熱議，不少網民建議事主應向丈夫坦白自己的想法，「男人真係怕熱啲，或者好好地同佢傾吓，唔好用埋怨方式，因為佢都唔想，講出你嘅無助同不安」。同時，亦有網民安慰事主不需太過在意開冷氣一事，「我覺得係語氣問題，有時同一件事，用唔同嘅表達方式，已經可以差好遠」、「改變需要時間適應，不能一步到位！」。

另有人提議事主丈夫應考慮轉行或辭退外傭，以減輕經濟壓力，「馬死落地行，有咩都做住先」、「生仔唔一定要陪月，湊B亦不一定要有工人，如果手頭緊, 你都要焗住cut（辭退）工人」。

每朝索取《晴報》：精明生活．健康家庭．開心娛樂

撰文：林幸琦

責任編輯：