【路見不平】口音惡媽掌摑斥女兒「ABC都未學識」 正義女出聲喝停：唔識教就唔好生

路見不平，未必人人都願意拔刀相助。一名女子日前在深水埗，目賭一名女童遭母親當街掌摑，更被怒斥「到而家連ABC都未學識」。事主不齒該母親所為，遂出言阻止，並詢問女童是否需要幫忙；該母親反斥事主多管閒事，但在得悉事主有可能報警後即急步離開。事主其後慨嘆，縱有多名路人及街坊看見事發經過，卻無人願意出聲阻止，僅盼該女童仍然平安。

女事主日前向Facebook群組「生仔要考牌系列」投稿，指在上周日（4日）下午約7時，與男朋友在深水埗大南街見到一對母女，該名母親在大街之上當眾掌摑女童數下，形容「係十幾步距離都聽到啪啪聲咁大力」；而且，該名帶口音的母親更怒斥女兒：「到而家連ABC都未學識呀！」

出軌與情夫珠胎暗結不想養，狠心母放初生女兒入櫥櫃等死，女嬰餓成骷髏靠哥哥偷餵，詳情即睇︰【下一頁】

出聲制止 向女童伸出援手

事主指該名女童看起來年約7至8歲，眼見對方被母親暴力對待，她路過時便出言諷刺其母行為不當，「教女就返屋企教啦……」、「唔識教就唔好生啦……」惟該名母親仍不停責罵女童，事主於心不忍，遂回頭詢問女童「妹妹，你有冇嘢要幫手呀」，並向其母表示或會報警處理。

未料，該名母親大聲斥責事主多管閒事，事主即反駁稱：「你而家虐兒呀！你信唔信我報警呀？」該母親聞言後即急步離開；而事主因擔心或會遭到對方傷害，故未有上前追截，只好再度大聲喝止其暴力行為：

「你唔好再打佢呀！你冇資格打個女呀！」

多人目賭卻無人制止  嘆人心冷漠

事主表示，事發時有港人路過，亦有疑似居於附近的南亞裔人士看見，卻無人出聲協助。她指該批南亞裔人士雖然都認為該母親言行過火，但只謂「始終係佢呀媽，好難管佢點教女」，故未有出言制止。事主聞言感到憤怒及難過，

「老母又點呀！都唔應該當街當巷打個女！」

事主稱後悔當時未有拍片，如果有拍下情況，當報警求助亦有證據在手，「嚇吓個老母等佢知驚都好」。她續指，女童事發時沒有說過一句話，「企定定任個老母冚」，完全沒有抵擋或還手，之後只是默默跟在其母身後，甚至「冇扭計冇大喊」。她見狀後內心更為難過，不禁問：

「幻想吓閂埋門，個老母會再暴力幾多？」

事主表示，雖然她出聲制止未必能幫助到女童脫離魔爪，但仍希望女童記得曾有陌生姐姐向她伸出援手，

「起碼會知道佢老母咁做係唔啱，佢唔係孤單，就算佢有咩做錯唔識ABC，都唔應該受到咁嘅暴力對待。願妹妹平安。」

網民反應兩極

帖文在網絡上引發熱議，網民反應兩極。不少人大讚事主正義，「欣賞樓主沒有袖手旁觀」、「感謝樓主，起碼畀女童知可以選擇求助」、「我相信個細路女如果懂事，會記得你為佢嘅嘢」。

另有網民表示事主此舉屬「好心做壞事」，反令該母親日後「打得更精明」，「個阿媽一定將你頭先喺街鬧佢嘅事，十倍奉還返畀個𡃁妹」、「就係你，佢以後識得收埋打，唔會再有人睇到」；亦有人指事主應該「去盡佢」，「真係報到警，搞到大一大最好。而家講佢一兩句，個老母返到屋企（女童）只會更慘。」

事主其後再投稿回應網民，稱自己同樣是普通人，事發時「都有情緒，會驚」，而且小時候曾被媽媽打過，故被激發為女童出聲，勸籲網民應把焦點放回虐兒一事上，

「希望啲網民睇清楚重點，報（警）又鬧唔報（警）又鬧，多少少體諒可以嗎？」

媽媽不慎打爛女兒禮物不捨痛哭，孝順女網上求同款西瓜作母生日禮物，詳情即睇︰【下一頁】

內容獲「生仔要考牌系列」授權刊登。

每朝索取《晴報》：精明生活．健康家庭．開心娛樂

撰文︰賴天兒