傳劉愷威想孖囡囡接親子騷搵銀 楊冪極力反對為「小糯米」炒大鑊

大陸女星楊冪與劉愷威於2013年成婚，翌年更誕下囡囡「小糯米」，可惜2018年二人宣布離婚。劉愷威曾指楊冪「太忙」，經常唔黐家，指自己婚後會以家庭為重心；而楊冪做咗人妻同人母之後事業心依舊非常重。楊冪亦曾自爆與劉愷威之間欠情趣，唔會為對方點菜，買衫亦各顧各。

{{hket:inline-image name="62c52fe738791819b963d62da5ca0456.jpg"}}{{/hket:inline-image}}

（東星娛樂）

雖然二人分開，但就由夫婦變親人，協議共同撫養囡囡，離婚後各自生活，相安無事。不過近日有傳劉愷威想帶「小糯米」參加綜藝節目，令一直唔想畀囡囡「真身」曝光嘅楊冪同前夫炒大鑊！

{{hket:inline-image name="44593d0d65bf5a8c1b7086fbe754de3e.jpg"}}{{/hket:inline-image}}

（東星娛樂）

「小糯米」父母離婚後留港生活及讀書，主力由劉愷威及爺爺嫲嫲劉丹夫婦照顧，楊冪則繼續於大陸搵食，但不時都會抽空搵囡囡。今年因疫情關係未能來港為囡囡慶祝6歲生日，但據知經常透過視像通話維繫母女情。

{{hket:inline-image name="1da4a893be4c7a91982f0f6ebd830d14saasftp20200221.jpg"}}{{/hket:inline-image}}

（東星娛樂）

劉愷威去年與女兒「小糯米」於學校嘅周年晚宴上台合唱，「小糯米」盡得父母真傳，毫不怯場。最近有傳大陸綜藝節目重金邀劉愷威同「小糯米」父女檔拍親子節目，劉愷威一向對囡囡曝光抱順其自然態度，而佢嘅工作團隊亦對此心動。

{{hket:inline-image name="3c46e2d6335d3eda47dd5710d5cec91csaasftp20200221.jpg"}}{{/hket:inline-image}}

（東星娛樂）

不過楊冪就大力反對畀囡囡曝光，擔心「小糯米」思想未成熟前因父母關係「被迫」接觸娛樂圈，會影響日後成長同心態，每當有傳媒影相楊冪都例必用手遮擋。離婚前楊冪曾喺訪問中表明佢立場：「有人問我帶寶寶上真人騷，我說一輩子都不會，打死都不會。我已經沒有甚麼秘密了，但希望好好保護家庭。」楊冪就連囡囡嘅聲音都非常抗拒「見光」，曾經於節目中被安排與囡囡通電話，其表情相當不情願，更直言寧願喺鏡頭前「卸妝一萬遍」。

{{hket:inline-image name="03ccb9e10ba6156bf9c5be648ebe23f7saasftp20200221.jpg"}}{{/hket:inline-image}}

（東星娛樂）

對於被指與前妻關係僵化，劉愷威表明無意參加親子節目：「從頭到尾都冇諗過帶囡囡亮相節目，更加冇爭拗，只想囡囡開心同簡單咁生活。」而劉愷威爸爸劉丹亦指其實劉愷威亦反對囡囡參加節目：「佢（自己）都唔係好拿手呢啲節目。」被問到孫女想唔想參加，丹爺就話「小糯米」都唔係好識呢啲，更表示佢唔係有太強嘅表演欲：「係有時學校同成班同學仔一齊玩就冇所謂，我哋屋企幾個人，包括仔、我都唔想佢上節目曝光。」

撰文：黃蘊姿