【隨遇而安】張文慈被嫌年紀大做得人「奶奶」 嬲爆拍片反擊：80歲都可以結婚

49歲的張文慈最近不時在抖音開直播，與粉絲們傾偈兼大展歌喉，雖然她的「港式普通話」被一些網民取笑，但她都不介意。最近她拍片嬲爆公開回應及反擊一名內地網友的言論，事緣早幾日她拍了一條關於婚紗特效的短片，當中她講了一句：「我要做你老婆。」但這句說話就引來該位網民留言：「都可以當奶奶了，還做老婆？」

{{hket:inline-image name="pinky.png"}}{{/hket:inline-image}}

(圖片：抖音截圖)

{{hket:inline-image name="pinky2.png"}}{{/hket:inline-image}}

佢話網民留言同佢講：「都可以當奶奶了，還做老婆？」(圖片：抖音截圖)

對於突然被叫做「奶奶」，張文慈就拍片反擊，回應該名網民：「我今年49歲，乜做人奶奶嘅年紀唔可以結婚咩？於是我就回覆佢『就算80歲都可以結婚㗎啦！有咩問題呀？』跟住我又見到個回覆講，『你能不能活到80歲是才是關鍵，我已經覺得......』我已經冇再答佢。」

{{hket:inline-image name="pinky3.png"}}{{/hket:inline-image}}

張文慈拍片反擊(圖片：抖音截圖)

{{hket:inline-image name="pinky4.png"}}{{/hket:inline-image}}

佢指就算80歲都可以結婚。(圖片：抖音截圖)

張文慈表示，活到幾多歲都唔緊要，最重要係個人心態活得開唔開心，活得健唔健康。她更指自己好認同一位網友的留言：「沒有該結婚的年紀，只有該結婚的愛情。」最後又鼓勵單身的朋友不要因屋企人有壓力及為結婚而結婚，最緊要自己活得開心。「我想同單身朋友講，唔好因為人哋笑你未結婚、因為屋企人有壓力同埋為結婚而結婚，最緊要自己活得開心，我一直喺度等緊一個真係值得結婚嘅人，我先會結婚，我都唔介意人哋點講。」

{{hket:inline-image name="pinky5.png"}}{{/hket:inline-image}}

(圖片：抖音截圖)

{{hket:inline-image name="69d31bc3gy1gj7hce49j3j22dc35skjr.jpg"}}{{/hket:inline-image}}

(圖片：張文慈微博)

在今年張文慈曾上節目《姊妹淘》做嘉賓，分享自己的愛情觀及單身生活。張文慈當時表示最緊要有能力養到自己，同埋生活精彩嘅話，單身都好有樂趣。已經單身10年的她指自己不是一個獨立的人：「唔可以一個人睇戲、去旅行，我會覺得好慘，好孤獨。而且有時生病、軟弱時，就會好想有人保護自己。」

{{hket:inline-image name="trtr_600.jpg"}}{{/hket:inline-image}}

(圖片：《姊妹淘》影片截圖)

她又認為做藝人呢一行有影響佢結識男仔：「有男仔因為我做呢行，覺得我好難追，而唔敢識我，一係就覺得同我一齊，就會比狗仔隊影，佢哋會有壓力。好多睇完我做戲嘅角色，就判斷我係咩人。」不過渴望真愛的她不排除遇到合適嘅人會閃婚：「如果真係好啱，我都會結，因為而家我好清楚自己想要啲咩。」

{{hket:inline-image name="69d31bc3gy1gjdnz03d8uj20u0140qdx.jpg"}}{{/hket:inline-image}}

(圖片：張文慈微博)

張文慈拍片拒向網絡欺淩低頭 霸氣宣告「惡意報道誰怕誰！」【下一頁】

撰文：林惠珊

責任編輯：楊安莉