【直升機家長】幼稚園開WhatsApp群組 家長監控教學介入校園生活 校長老師24小時應酬

「直升機家長」經常在子女附近「盤旋」，全天候監控他們學習、生活，甚至間接令老師工作量大增。一名港媽日前在網上爆料，指其子女就讀的幼稚園在疫情期間開設了WhatsApp群組，但其他家長竟然「洗版式」分享孩子生活瑣事，復課後又監控孩子的校園生活，插手老師的教學情況，令事主等部分家長感到煩厭。

「呢個群組真係見到都覺得校長同老師份工唔易做！」該名署名任小姐的港媽向Facebook專頁「生仔要考牌系列」投稿，指自己的孩子就讀幼稚園K1，因疫情期間不用返學，校方遂開設WhatsApp群組。未料，一眾家長竟然事無大小都發送照片「開心分享」，例如小朋友洗碗、去廁所、食早餐，

「只要有一個家長開頭，之後全部家長就會蜂擁咁send（發送），校長同老師仲要逐個去畀回應同畀讚賞。」

更恐怖的是，如果校長或老師一下子漏了回應或讚賞，

「家長又會re-send（再發送）多次，直到獲取校長老師的一讚。疫情期間，朝八晚十二，有時零晨一點都仲send緊。」

紅雨下校門前現大水氹，善心校工姨姨澗水孭學生落車，詳情即睇：【下一頁】

直至復課後，事主原以為WhatsApp群組終於可以告一段落；未料，校方竟然「自投羅網」，主動拍下學生的校園片段發送至WhatApps群組，令事主大呼「又煩了」，「影片中，有家長唔見到自己個囡囡，就同校長講：『校長，xx唔見了！』」同時，亦陸續有家長發訊「提醒」，「校長，你無影到我個囡！」、「校長，我個仔個口罩甩咗！」、「校長，我個仔嗰個燈籠甩咗！」

最後，事主不禁表示：

「太煩了吧！其實校園生活，交返畀學校同個小朋友自己處理返啦！家長真係好恐怖！」

此事引來網民熱議，不少人認為「直升機家長」太麻煩，而校長及老師亦不應自找麻煩，「個個父母都當正仔女係全宇宙唯一人類咁」、「學校唔應該開任何家長群組啦，搵自己黎搞，真係要24小時服侍班家長咩」、「啲家長仲難湊過啲細路，個校長乜事咁睇唔開」。有網民慨歎這是「科技進步對社會嘅壞處」，「學校係咁，公司都係，24小時on call（待命）。」

此外，亦有網民建議：「學校可以開group（群組）只send嘢畀家長，（家長）冇得send 返轉頭。利申：阿仔學校就係咁。」、「有咩要溝通咪用eclass出通告囉，一係個group set（設定）返只限管理員發言。」

男生上堂違規玩啤牌被召見家長，遭母親當眾連摑兩巴轉身跳樓亡，詳情即睇：【下一頁】

內容獲「「生仔要考牌系列」授權刊登。

每朝索取《晴報》：精明生活．健康家庭．開心娛樂

責任編輯：李凱晴