大家有沒有收過類似以下的相片？一名港女近日在網上分享媽媽的「攝影作品」，表示對方影食物時「永遠唔識對焦」，以致相片鬆郁矇，甚有速度感。不少網民見狀，紛紛分享父母的攝影作品「參賽」，有人笑言：「睇完個Post懷疑自己近視同散光深咗！」
該名港女日前在網上討論區「連登」，發起網民一人一張爸爸、媽媽「影得好失敗嘅嘢食相」的邀請。她率先分享媽媽的「佳作」，只見一盤在水中花甲相片盡顯「夢幻」，笑言：
「媽媽永遠唔識對焦，一撳完影相掣又好快縮手，睇到佢個女頭都暈埋，呢張已經變成我屋企嘅經典圖喇！」
大網民笑言事主媽媽所拍的是「極速花甲」。（連登圖片）
對此，不少網民笑言「好有動感」、「好生猛」、「唔去影賽車嘥晒」。其後，事主再分享媽媽所拍的雞翼及其他食物照片，只見全部呈現鬆郁矇狀態，其中一張更笑言「吞完之後個肚會胎動」。最搞笑的是，事主將網民留言向媽媽分享，獲媽媽回覆V字手勢；當讚媽媽是「高手」、「原來你咁叻」時，媽媽稱：「你而家先知，返工時間唔可以成日喺連登度講嘢。」
媽媽力薦朋友幫手裝修爸爸讚靚，作品令港女大驚：父母資助點拒絕？，詳情即睇：【下一頁】
事主大讚媽媽廚藝了得。（連登圖片）
不少網民看到後，留言表示事主與媽媽關係不錯時，事主直言：「我當佢係媽媽，姐妹同朋友。」另對於網民表示從相中感到「好似幾好食」時，事主亦不吝嗇大讚媽媽手勢好：
「佢煮嘢勁好食！」
此外，亦有不少網民大方分享父母的攝影「佳作」，有人笑言：「十次有一兩次啲相有對到焦已經好好！」、「呢個post啲嘢食好新鮮，海鮮好似識跳，連雞翼都好似識飛咁。」、「發現大部份人嘅母親都好鍾意開閃光燈影嘢食相，包括我阿媽。」、「以為大家都係同一個媽媽！」
以下是部分網民分享父母的攝影「佳作」：
有網民以媽媽的「爆旋田螺」參賽，並表示「雖然佢樣衰，但擺盤後放喺啲薯蓉上面，其實幾靚幾好食」。（連登圖片）
有網民以媽媽的「閃光燈麻辣火鍋」參賽，被其他人留言笑指「好有地獄feel」。（連登圖片）
有網民表示媽媽已經「唔係 out fo（不對焦）咁簡單」，有人留言笑稱「仲識改埋圖，扭曲空間」。（連登圖片）
有網民指媽媽一次與友人旅行時，他傳訊詢問對方正在吃甚麼時，獲對方傳來食物殘骸照片。（連登圖片）
有網民一次問爸爸「食咗飯未」，獲對方傳來此張照片回覆，有人留言幫忙解答：「食咗啦，食得好快㖭！」（連登圖片）
有網民指有一次媽媽去大快活買飯，傳來此張照片詢問他想吃甚麼。（連登圖片）
每朝索取《晴報》：精明生活．健康家庭．開心娛樂
責任編輯：李凱晴