【前TVB主播】陳嘉倩化身靜香分享「電眼」秘密 曾因工作長戴隱形眼鏡：忍手勿捽眼

前TVB主播陳嘉倩最近化身《多啦A夢》內的角色靜香，拍攝兩輯健康教育宣傳短片，為香港眼科學會和香港眼科醫學院宣揚眼睛健康的訊息。陳嘉倩更向大家分享「眼仔碌碌」的秘訣，希望大家都可以與她一樣，擁有明亮雙眼。

{{hket:inline-image name="2.jpeg"}}{{/hket:inline-image}}

(圖片：大會提供)

陳嘉倩自爆因爲工作關係，每日平均要戴隱形眼鏡10多小時，「有時戴到對眼好乾好唔舒服，好似有嘢梗住梗住咁，就會好想捽眼。」不過她就勸大家要忍手，否則分分鐘「捽壞眼」。

醫生解釋指除了戴隱形眼鏡，不少人還有眼敏感，眼睛會痕、痛、流眼水和輕微畏光等，令患者忍不住經常捽眼。但是，經常捽眼會令角膜周邊變薄，中央就有機會向外突出，變成「錐形角膜」，不但會視力模糊、看東西有眩光，嚴重更會失明！

{{hket:inline-image name="3.jpeg"}}{{/hket:inline-image}}

(圖片：大會提供)

陳嘉倩表示：「細細個都聽過『錐形角膜』，但大個就慢慢忽略咗，眼睛是靈魂之窗，我平時都好愛惜佢哋，所以幾痕幾唔舒服都好，都會好忍手，都算係下咗唔少苦功。偷偷地話埋畀大家知，成日捽眼仲會有皺紋㗎！記得love your eyes，唔捽眼！」

{{hket:inline-image name="1.jpeg"}}{{/hket:inline-image}}

(圖片：大會提供)