【難為了家嫂？】新抱公審失業暫住奶奶批自私行為 被起底揭獲奶奶賣樓助付首期「上車」

一家人最重要是互相包容及體諒。一名港媽日前在網上吐苦水，指失業「暫住」的奶奶十分自私，在早上為了飲熱水，竟將其前一晚煲落、放在壺中攤凍的滾水倒掉再煲。對此，不少網民認為是小事一宗，只要多加溝通便能解決問題。有網民更將事主「起底」發現，原來數月前她曾發帖大讚奶奶「好好」，表示昔日獲對方及老爺賣樓套現資助她與丈夫「上車」，兩老則改為租屋住，不禁大嘆：「幾個月時間就變晒臉！」

「完全唔理解，乜嘢構造先可以自私成咁！」該名港媽上周三（23日）在網上討論區「親子王國」，以「1人1個！同住奶奶自私行為討厭至極排行榜」為題發帖公審奶奶，表示自己在晚上煲水後放在壺中攤凍，未料對方翌晨為了飲熱水，竟將壺中的凍滾水倒掉再煲。她續指，奶奶只是來「暫住」，但「一直當自己租間房」，又指對方不肯與人溝通。

兩母女住300多呎公屋，28歲港女在家工作呻媽媽煩厭：「每日激到做唔到嘢想分戶」，詳情即睇：【下一頁】

對此，不少網民表示這只是小事一宗，著她不要放在心上，「超級雞毛蒜皮之事，一家人，平心靜氣問下溝通下啦」、「老人家生活習慣唔易改變，呢D小事係好煩人好困擾，但同一屋簷下惟有諗個方適應吓，加油啊！」不過，有網民卻發現，原來事主於今年2月曾發帖，表示原本自己一家三口及外傭姐姐一齊住，但因為新冠肺炎關係，已過退休年齡的老爺奶奶相繼失業，無法繼續租樓住，因此老爺便搬到年邁母親家中，而奶奶則搬到事主家暫住，

「其實佢哋早年本身買咗樓，但之後想畀錢我哋畀首期所以賣咗，所以在情在理我都無得say no……其實老爺奶奶平日都和善，對我亦唔錯，不過始終相見好，同住難，想問下大家同奶奶住有無咩地雷位要小心？」

不少網民得知此事後，紛紛留言反指事主不懂感恩，「受得咁嘅人情，好多嘢都要忍」、「做人要學識知足、感恩，少少事都上網想公審奶奶」、「吓，佢奶奶真係唔應該賣樓幫佢哋啦，幫咗人仲要俾人數，兼搞到自己好似乞兒咁調返轉寄人離下」。

兄姊攜子女上門為父賀壽實搗亂，港男斥：要老人家服侍你哋班大帝，詳情即睇：【下一頁】

對此，事主反駁指「我而家層樓係我租嘅」，與奶奶無關，「唔係畀錢、畀首期就可以自私到盡頭，自私事件一籮籮」。有網民看到回應後，疑問：「你將奶奶賣咗自己層樓畀錢你哋做首期買嘅嗰層樓，賣咗出去呀？點解而家要租樓呀？」事主解釋，自己與丈夫結婚前，丈夫與老爺、奶奶一齊住，而且有份供樓，

「係囉『想』畀錢我哋畀首期，而然停留喺『想』位置，同埋同post有講返，賣樓錢分三份，舊嗰層樓我老公有份供，只係拎返自己嗰份。」

不過，網民對於事主的解釋並不買帳，「咁事實已經分咗（錢），其實奶奶都無必要一定去賣樓，仲要自己去租屋，退休仲要打工畀租金， 先前你先講奶奶對你好好，幾個月時間就變晒臉」、「其實你奶奶完全唔需要賣咗自己層樓畀你哋做首期，就算你老公有份供，都係未結婚前給父母的家用，佢亦有份住，所以唔可以話有份供就要分返層樓一份錢，為咗自己有樓，要父母賣樓租屋住，真係極自私行為，你奶奶真係好偉大，唔好再為小小事而厭惡佢，應該學懂感恩。」

29歲女生第三胎用力過度中風癱瘓，奶奶照顧陪復健擔起湊3孫重責，詳情即睇：【下一頁】

每朝索取《晴報》：精明生活．健康家庭．開心娛樂

責任編輯：李凱晴