【不孝子孫】兄姊攜子女上門為父賀壽實搗亂 港男斥：要老人家服侍你哋班大帝

父母對子女的愛是莫問回報，但子女切勿將此視之為「老奉」，勞役年老雙親。一名港男日前在網上吐苦水，指已婚的哥哥及家姐日前堅持一家大細上門食飯，為父親慶祝生日；然而，他們不但「繞埋雙手」連碗筷都不幫手拿，甚至縱容子女通屋搗亂兼跳床。最終眾人食完飯離開後，事主與女友、父母收拾家居至凌晨，令他不禁怒斥：「唔好再要老人家服侍你哋班大帝！」

Facebook專頁「生仔要考牌系列」昨日（25日）刊登一篇以「細仔」為署名的投稿，事主表示雖然父親明言因為疫情關係，今年不欲「搞生日」，希望簡單地「各自見個面食餐飯就算」，但兩名哥哥及家姐竟仍與各自的妻子及丈夫，攜同數名2至8歲的子女上門食飯賀壽，「幾個小朋友一入屋，洗手除口罩，但噩夢就開始。」

兄嫂將孩子寄養父母家6年，港女抱怨不負責︰生嚟有咩意思呢？，詳情即睇：【下一頁】

事主指出，幾個小朋友在沒換衫、沒除襪的情況下，便隨便走入房玩，「爬上床跳床，玩伏匿匿，擲枕頭……3間房都玩晒。」他指出，老人家敢怒不敢言，以免造成婆媳不和，

「老媽子有叫過小朋友唔好上床，未換衫，兩個大嫂都話自己仔女『好乾淨，冇細菌，唔洗驚』。」

他續指，兩名哥哥及家姐懶理頑劣子女，「返嚟淨係鬥吹水，講吓自己個仔有幾叻，自己個女又學乜學乜，啲大嫂淨係識講是非，唉！」至事主放工接完女友，回到家已是晚上7時；他形容當時的情況，是「冇人開枱，男人玩手機，女人講是非，細路又跑又跳，成屋成床玩具」，十分混亂，

「難為兩個6、70歲老人家不停做，搵人幫手攞碗筷都冇人幫，自己親生仔女都唔幫。我同女友放工返嚟睇唔過眼就幫手執屋開枱。」

兄長婚後大嫂遷入兼生B，港男慘做廳長瀕臨被趕走，欲搬離減家用反被父親責罵，詳情即睇：【下一頁】

至開飯時，小朋友及大人各自一枱，「大嘅（小朋友）又爭來爭去，冇禮貌又唔教；有個仲指明食雞一定要食雞髀，老人家斬咗隻髀就狂喊話唔食飯，最終叫熊貓外賣炸雞髀返來平息個小朋友嘅怒氣。」好不容易「玩」到深夜11時，眾人準備離開；而此時家中狀態，已是「成屋玩具」，

「我開口叫班阿哥家姐叫小朋友收拾玩具，佢哋竟然叫返我執，成班小朋友取笑我。我話我執就會掉晒佢，大嫂話我咁樣就唔啱，恐嚇教壞啲小朋友。」

「現在係凌晨2:15，女朋友啱啱先幫手換晒/洗晒我屋企啲床單被袋。」事主指出，最終眾人走後，他與女友、父母收拾家居至凌晨，「老竇太攰，坐喺梳化瞓著；老媽子就洗碗執玩具；我負責拖地消毒；女友就換晒3間房嘅床單被袋，洗咗2機，乾咗1機。」最後，他不禁大罵道：

「我希望做人父母好好教育自己仔女基本禮儀，唔好再要老人家服侍你哋班大帝！」

內容獲「生仔要考牌系列」授權刊登。

每朝索取《晴報》：精明生活．健康家庭．開心娛樂

責任編輯：李凱晴