【反黑路人甲】 朱敏瀚拍劇野生捕獲真‧發哥 網友笑陸秋同張細倫先係真愛

TVB劇集《反黑路人甲》於上星期五大結局，不少演員在播映完畢後都表示不捨劇集及角色。而近日於劇中飾演「陸秋」的朱敏瀚及飾演「水姐」的蔣家旻正為新劇《換命真相》開工，但出外景時竟然野生捕獲發哥！一向親民的發哥隨即舉起手機與劇組selfie，朱敏瀚更隨即開心share，網友都留言話羨慕！

{{hket:inline-image name="120035669_3594170107317640_3727788067831031089_o.jpg"}}{{/hket:inline-image}}

(IG圖片)

朱敏瀚拍劇在出外景時突然見到發哥，一眾劇組人員都十分興奮。朱敏瀚更留言指：「細蔣生，陸秋幫你搵到發哥喇！！！#野生捕獲發哥#即刻覺得開完廠接外景好抵」。而飾演細蔣生的王浩信就回應：「多謝你呀陸秋！多謝發哥！We love you!」有網友笑指雖然套劇已經完咗，但陸秋仍然「心繫」張細倫(王浩信飾)，笑指兩人才是「真愛」！大家都相當入戲。

{{hket:inline-image name="brian.jpg"}}{{/hket:inline-image}}

(IG圖片)

朱敏瀚接受本報訪問時指自己碰見發哥非常開心，更表示發哥是主動走過來打招呼。「頭先係中環拍劇見到發哥，最初我都無為意，係突然間起哄叫發哥，我就擰轉頭望到佢，呆咗，心跳又加速，因為好鍾意佢，好少有artist畀到呢個感覺我，上一次已經係劉德華先生。」朱敏瀚又指po了與發哥的自拍照後，很多人都表示羨慕。「我po咗上網之後好多人都message我，好羨慕我同到佢影相。尋日係廠開到好夜，今朝又開早，有啲攰，但見到佢都覺得好值得。」

{{hket:inline-image name="119095587_3132690760174948_7740845175034876140_n.jpg"}}{{/hket:inline-image}}

(IG圖片)

《反黑路人甲》劇情中曾有一幕講述本來張細倫（王浩信飾）要返公司開會，但途中他突然找高彬（張振朗飾）、陸秋（朱敏瀚飾演），叫他們幫手擋住一架白色車。高彬、陸秋趕到現場，以為張細倫要尋仇，但原來他只是想追星，搵發哥簽名。張細倫見到發哥非常興奮，咬住火柴，模仿發哥喺《英雄本色》嘅造型，最後佢成功得到偶像嘅簽名，又與其握手同selfie。

{{hket:inline-image name="11_600.jpg"}}{{/hket:inline-image}}

(圖片：《反黑路人甲》電視截圖)

{{hket:inline-image name="12_600.jpg"}}{{/hket:inline-image}}

(圖片：《反黑路人甲》電視截圖)

當時一幕「發哥」一直背向鏡頭，十分神秘。王浩信之後揭發神秘人真身就係張振朗。王浩信留言表示：「一對咁有默契嘅手，就係來自呢位拍檔。」張振朗亦指：「今日開始叫我周彬發，我最鍾意係我哋兩個都共同咬過支牙籤，sorry係火柴。」

{{hket:inline-image name="18_600.jpg"}}{{/hket:inline-image}}

(IG圖片)

{{hket:inline-image name="16_600.jpg"}}{{/hket:inline-image}}

(IG圖片)

另外，蔣家旻亦在IG撰文，興奮地表示自己見到發哥。她指自己昨日出完外景就偏頭痛，不想靠藥止痛，惟有痛住開早，加上左邊面突然敏感，令到她心情差。正當她為約到睇皮膚科醫生而感恩時，她撞到了發哥，更指自己超幸運：「唔洗行山都見到發哥！發哥呀！今次仲唔到我集郵！？成個人呆咗、 興奮、心跳加速、成身熱咗、紅都面晒！就係咁，頭痛短時間停咗成個人突然醒咗。今日嘅通告係值得架！感恩感恩 多謝發哥！」

{{hket:inline-image name="chiang.jpg"}}{{/hket:inline-image}}

(IG圖片)

朱敏瀚現時正為《換命真相》開工，他表示劇集是一套喜劇：「角色係一名香港同韓國混血兒，係一個律師，但我興趣其實係天文方面嘅嘢，一路以為Shaun(譚俊彥) 佢係外星人，呢套係喜劇嚟，同蔣家旻會有感情線。」