車保羅扮病被沙麗「踢爆」摧毀星途 「兜踎」四處舉債賢內助不離不棄

久未喺幕前露面嘅車保羅日前亮相香港開電視節目《開工大吉77》，他現已轉行做街市監督，「收工」後趕到接受苑瓊丹訪問。

{{hket:inline-image name="DSC01490.JPG"}}{{/hket:inline-image}}

（大會提供）

苑仔就話與車保羅多年冇見，講笑嫌對方太高要「抬頭」傾偈，車保羅就話正職困身，亮相幕前要遷就時間：「依家我做街市監督，返工要着制服、反光衣，唔可以亂咁請假，啲人約我拍嘢都要下午先得！其實都冇咩尷尬，要做咪做囉，由細到大都做過好多行，當年周梁淑儀搵演員，佢哋睇中搵我拍戲，拍咗三套之後，覺得好好玩所以入行。」

{{hket:inline-image name="DSC01218.JPG"}}{{/hket:inline-image}}

（大會提供）

車保羅就話當年最風光時期，每日現身不同劇組，但因賭博而失去所有：「當年真係忙到組接組，我大概風光咗十年左右，真係忙到去銀行入錢都冇時間，每日一起身唔係問去邊度開工，而係問朋友收工去邊度玩！不過當年我賭錢，冇做咩投資最終咩都輸晒。」

{{hket:inline-image name="V8STpt.jpg"}}{{/hket:inline-image}}

（《鐵板燒》劇照）

隱暪公司「秘撈」拍電影，最終被揭發而令車保羅事業出現危機：「當年有人搵我拍戲，咁我就呃公司『生疱疹』，要去北京醫病，咁公司梗係畀我走啦！到我拍完返香港，葉蒨文喺機場東面出，我就行西面啦，點知佢見到記者要做訪問，就話剛剛同完亞視嘅車保羅拍戲，咁就成件事都穿晒。最終都要返公司認錯，最終被人扣一個月糧，同時又俾稅局查封啲戶口，我當時心諗真係玩完喇。」

{{hket:inline-image name="bSqXzFm.jpg"}}{{/hket:inline-image}}

（《鐵板燒》劇照）

因為「講大話」而離開電視圈，其後轉戰影壇，亦因為誠信而令事業跌入谷底：「當時因為冇錢請助手，自己又冇Mark清楚檔期，最終搞到失場，呢啲醜事傳千里，開始冇人搵我，靜咗足足六個月，我都開始諗吓係唔係要轉行先得。」

{{hket:inline-image name="13735712_1192913440738947_9179478837889549061_o.jpg"}}{{/hket:inline-image}}

（車保羅Facebook）

訪問期間車保羅多次提及菲籍妻子，二人生活相當甜蜜，妻子亦掌管車保羅財政大權：「當年我搵佢做鐘點執屋，啲錢周圍擺，佢就提我收好啲錢，我覺得呢個女人唔簡單，開始試吓佢，發現啲錢冇少到，仲要好齊整咁擺好，我對佢都開始動心。後期我經濟唔好，周圍問人借錢，佢幫我記低借咗邊個錢，要還畀邊個咁，所以到今時今日，我都爭佢一個盛大婚禮。」

{{hket:inline-image name="DSC01332.JPG"}}{{/hket:inline-image}}

（大會提供）

撰文：黃蘊姿