【無品乘客】巴士男女飲珍珠奶茶倒瀉一地 空杯紙巾棄於車廂做垃圾蟲

本港新冠肺炎漸趨放緩，防疫措施逐步放寬，但公共場所須戴口罩的規定仍然生效，近日一對男女乘搭巴士時，卻在車廂內除口罩飲珍珠奶茶，期間不慎倒瀉弄污車廂，事後更將空杯棄於地上，以致滿車垃圾。

該女網民日前（18日）於「將軍澳主場」Facebook群組分享，指在乘搭九巴98C路線往坑口方向時，一對男女於太子聯合廣場站上車，期間他們在車上喝珍珠奶茶，不慎將飲品倒瀉在身上及地上。雖然該女士有用紙巾清潔，但隨後又將紙巾棄於地上。

膠杯棄座位下 一地垃圾

女事主指，該對男女乘客飲完珍珠奶茶後，更將膠杯棄於座位下，並先後在寶琳站及重華路落車。女事主批評兩人行為惡劣，「懶環保咁用環保杯套，但係就周圍掉垃圾」、「點解而家啲人一啲公德心都冇，仲要除低口罩飲嘢散播細菌」。

網民：乘客愛將紙巾攝座位罅

帖文引起熱議，不少網民留言指責，「飲都算重要搞到一地都係，亂掉垃圾」、「至憎呢啲人，有啲人就中意zip（攝） 啲紙巾喺啲櫈罅度，整到架車污糟晒，都唔知有無肺炎菌，叫其他人點坐」、「多咗呢啲人，衛生特別差」。有網民分享類似情況，指曾目睹一位女生同樣將飲品杯遺留在座位旁，趁對方起身下車時將她叫停，表示：「小姐你漏咗啲垃圾呀！」該女生立刻回頭拾走才下車。

每朝索取《晴報》：精明生活．健康家庭．開心娛樂

撰文︰劉紀瑩