【活得比你好】從小被爛賭父打罵非禮無人信 港女自述18歲前黑暗經歷 母親以$500斷關係：同你無拖無欠

幸福並不是必然的。一名港女日前在網上自述18歲前的黑暗經歷，她表示父親十分「爛賭」、曾「包二奶」，自己由小到大都被他打罵；而父親更會非禮她，可惜母親、家姐、老師等通通都不信她。直至18歲時獲社工幫忙，她才得以搬走，脫離魔掌，惟母親竟主動以500元斷絕關係。離家十年期間，她努力讀書、工作，坦言認為最大的報復，是「我活得好好」。

Facebook專頁「生仔要考牌系列」昨晚（18日）刊登一則署名「ST」的投稿，她表示父親當年北上娶妻，其後誕下3女1子，而她則排行第2，「之後申請我哋嚟香港，我係新移民」。她形容父親，是一個「自大、自卑、鍾意賭錢、包二奶嘅X街」，喜歡打小朋友，「尤其係打我，我畀佢打到大」；雖然她會反抗，「成日家嘈屋閉」，但即使報警、有社工跟進都無用。

1歲兒拒食固體食物逾一周，港媽斷奶強迫自主進食：「狗都可能易教過佢」，詳情即睇：【下一頁】

至於其母，事主坦言對方「乜都唔理」，並且會搬弄是非，在子女面前會大呻丈夫對她差，但在丈夫面前卻會大爆「仔女好憎佢」。她又指父親十分憎恨她，而且更會非禮她，

「成日話要扔我返大陸，扔晒我嘅證件唔畀返香港，但係夜晚又會上我張床摸我。我同老母、家姐、老師講，但無人信我。」

由於遭受如此父母不當對待，她多年來出入女童宿舍多次。直至18歲時社工幫她申請公屋，她因而搬走先住進成人宿舍，

「離開屋企之前，我媽媽畀咗$500我，話同我無拖無欠。我收咗，十年過去，之後無再見過我媽媽。」

事主續指，母親在她離家後的十年間會返教會，「可能真係知衰掛，搵過我好多次，但係我都無理佢」。她指自己這些年來一直努力讀書、搵錢，「我應該係咁多兄弟姊妹中收入最高嗰個」，又猜測母親找她可能是有目的，「唔知佢目的係咪想問我攞錢啦」。

最後，她直言無論如何都不會原諒母親，

「但係我唔會花精神力氣去憎佢。我覺得對佢最大嘅報復係：我活得好好。」

此事引來網民熱議，不少人留言安慰及鼓勵事主，「你好叻好勇敢」、「忘記過去，努力像前！支持你過好自己的新生活」、「努力！對自己好就夠喇！」、「父母無得揀，但人生有得揀！你好叻！加油！」

請外傭要求識英文陪子女睇書，中介稱非姐姐工作範疇，港媽不解：係咁樣㗎咩？，詳情即睇：【下一頁】

內容獲「生仔要考牌系列」授權轉載。

每朝索取《晴報》：精明生活．健康家庭．開心娛樂

責任編輯：李凱晴