女士們出嫁後，與丈夫家人相處不融洽之事時有發生。有遠嫁至台灣的港女在網上吐苦水，指因要坐月而要到夫家短期居住，但其老爺奶奶極度迷信，雙方無論在照顧初生女兒或生活習慣方面均有分歧。然而，人在異地的事主敢怒不敢言，直言心理壓力或已到「臨界點」，更欲求助精神科。
「我面對嘅唔係四大長老咁簡單，係五大長老！老公阿爺、阿嫲、姑姐、老竇、媽媽。」該名港媽日前投稿至Facebook專頁「我的極品四大長老」，指自己本身患有輕至中度的產前抑鬱，而女兒出生時更因腹裂要做手術，生產後奶奶為方便照顧事主，遂提議她入住其家坐月。事主稱自己「已經俾人用雞脾打軟個牙骹」，故不敢拒絕；惟老爺奶奶非常迷信，雙方相處問題問題浮現，並力數3大難頂之處：
堅持孫女算命改名否則性命不保
事主指老爺奶奶非常迷信，女兒出生後更拿丈夫及女兒的八字，請算命師為女兒算命取名字，結果算出「阿嬸年代嘅名」。即使事主已經一早為女兒想好名字，但兩老仍然堅持使用算命師建議的名字，
「話算命佬講我個女原本我個女唔肯嚟投胎，唔叫呢個名會保唔住條命。」
她續指，兩老特別叮囑她坐月期間看到太陽要撐傘，聲稱「唔擔遮係對個天不敬」，其迷信程度可見一斑。
衝入嬰兒病房做法事
此外，其老爺奶奶更應算命師要求，取走孫女的衣物做法事，又在半夜時份，特意致電事主告知此事。有次事主與兩老到兒童加護病房探望初生女兒，正當事主打算穿好無菌衣進入病房之際，其老爺突然「一支箭」衝進來，一手搶走她的無菌衣，稱要先進入病房為孫女做法事，
「全個加護病房探B啲人望住我，極度丟架⋯⋯好彩姑娘都知我無奈。」
奶奶擅自帶朋友進入事主房間
事主出院後坐月期間，奶奶的朋友不時突然登門到訪，甚至強行進入她的房間，
「除晒衫泵緊奶叫佢哋等等，着完衫開門比佢哋，入到嚟即刻話咩大家都係女人有咩所謂⋯⋯」
此外，奶奶的朋友經常對她的生活習慣發表評論，例如冷氣機不可以對正睡床、產後一定要穿長袖衫等，更不時趁她睡著後拍門，非常滋擾，
「乜你(事主)喺醫院未瞓夠咩？仲叫我唔好鎖門方便佢哋入嚟，博物館咩家下 (吓)？」
兒子結婚媽媽穿白色婚紗出席，照片上新娘分不清，媽媽心態惹猜測，詳情即睇：【下一頁】
屢遭家人否定自覺淪為「奶媽」
事主稱，自己經常被兩老否定，他們又擅自為女兒安排衣著、嬰兒用品等，逐漸令她認為自己是一個「無能」的母親，甚至淪為「奶媽」。她明白奶奶在百忙中抽空照顧自己，故從頭到尾頭到不敢「駁嘴」，忤逆兩老的意思，結果導致局面失控，
「我知佢哋係好意但我想好好地 (哋)做個阿媽會做嘅嘢⋯⋯佢哋咁做只會令我覺得我完全冇能力做好媽媽，好似乜都要靠佢哋咁。」
壓力快「爆煲」有意看精神科
事主指丈夫因工作關係身處外地，未能經常陪伴在側，只能趁長假期前往來探望；所幸丈夫十分體諒自己的處境，也曾反抗過父母的意思，
「我老公有同佢哋講過，用品我兩公婆自己買，名唔使去算命我兩公婆已經改好咗⋯⋯」
她透露，自己因壓力過大，不時一邊泵奶一邊流淚，「覺得自己好冇用」，自覺壓力已屆「臨界點」，決定不再在夫家坐月搬回家中，並且求助精神科醫生，坦言「再留喺到真係會自殺」，又感嘆「生完BB真係好玻璃心」。而丈夫對此亦十分諒解，將趁假期接妻女回家。
網民：應適時作出反抗
不少網民均留言為事主打氣，鼓勵她要堅強振作，「大家都係女人，好真心想同你打打氣，你生咗BB要變得更堅強，更硬正！」、「你唔係玻璃心，你已經做得好好㗎啦」、「以後嘅路仲有好長，唔好為咗其他人而犧牲自己同個B，硬住頭皮都要反抗，忍得一時忍唔到一世㗎！」；亦有人建議事主可入住月子中心或聘用保母，減輕自己負擔之餘又毋須受氣。
亦有過來人表示，事主可適時作出反抗，重奪主導權，否則只會一味受委屈，「個BB我嘅，關佢哋咩事，咁鍾意就自己生，為啲無謂嘅人唔使覺得唔好意思，一唔好意思就代表要令自己委屈」、「無需要忍......長期對住，只忍讓係解決唔到，有小朋友之後矛盾會多N倍！」
要求奶奶由九龍入大西北湊孫被拒絕，自私港媽：湊孫係嫲嫲責任，詳情即睇：【下一頁】
內容獲「我的極品四大長老」授權轉載。
每朝索取《晴報》：精明生活．健康家庭．開心娛樂
撰文：黎穎芯