【經歷生死危機】成龍大爆拍新戲曾遇意外險浸死 水中失蹤45秒 導演同幕後嚇到喊

做演員唔容易，唔止要經常日夜顛倒工作，飲食唔定時，有時仲會唔小心遇上意外。好似成龍早前拍攝新戲《急先鋒》時不幸遇到意外，一度浸喺水中消失咗，差啲浸死，好彩最終死裡逃生。近日成龍接受央視訪問為新戲做宣傳，期間大爆呢段同死神擦身而過嘅驚險時刻。

動作喜劇片《急先鋒》本來預定喺今年1月上映，但受到新冠肺炎疫情影響，延期至今個月30日上映。片中，成龍飾演國際保鑣團隊「急先鋒」總指揮唐煥庭，負責率領手下到英國營救遭到僱傭兵組織「北極狼」綁架嘅中國富商秦國立（樓學賢飾演）。其中有幕，成龍揸快艇載住大陸女星母其彌雅拍攝水上追逐畫面，點知水流太過急，令佢哋嘅快艇撞咗去大石。快艇隨即翻側，二人雙雙跌咗落水。母其彌雅最快浮上水面脫險，一開始佢未清楚發生咩事，過幾秒先捉實快艇控制杆，成龍就被捲入水中消失咗。喺附近預備緊嘅救援人員趕到現場，先拯救母其彌雅，然後喺快艇另一邊，大石後面搵番成龍。

{{hket:inline-image name="14.jpg"}}{{/hket:inline-image}}

(央視電視截圖)

{{hket:inline-image name="16.jpg"}}{{/hket:inline-image}}

(央視電視截圖)

{{hket:inline-image name="19.jpg"}}{{/hket:inline-image}}

(央視電視截圖)

【同成龍有關嗎？】吳綺莉一夕話令網民無限聯想 「我女兒有很多兄弟姊妹」 詳情即睇【下一頁】

成龍憶述當時情況：「很普通的鏡頭，我差點就淹死了。船一翻把我吸到水底，我的經驗就是那個急流把我一吸，我跟自己講『不要怕』，我也忘了那個情況，好像有神力助我一樣，我慢慢起來，推著那個船，一推，水就把我沖出去。」佢話唔知自己跌落水幾耐，上水後只見到導演唐季禮同其他幕後工作人員嚇到喊：「唐季禮在上面急得流眼淚，所有那些服裝都在哭，我在上面就看見唐季禮，我說：『幹甚麼？你們在幹甚麼？』他說：『你消失很久，大概45秒。』」

{{hket:inline-image name="15.jpg"}}{{/hket:inline-image}}

(央視電視截圖)

{{hket:inline-image name="20.jpg"}}{{/hket:inline-image}}

(央視電視截圖)

雖然啱啱經歷完生死危機，但從片段中可見被救起嘅成龍臉帶微笑，好從容咁向現場人員講述事發經過。佢話當時以為母其彌雅同樣被捲入水中，唔見咗，於是叫救援隊快啲救起對方。後來成龍用毛巾抹完身，仲識同導演講笑：「完了這部戲，兩個（角色）都死了。」唔少網民紛紛留言流露出對成龍嘅敬佩之情：「敬業精神」、「太拼了，想想都疼」、「大哥為電影做出了貢獻」、「太驚險了」。

{{hket:inline-image name="17.jpg"}}{{/hket:inline-image}}

(央視電視截圖)

{{hket:inline-image name="18.jpg"}}{{/hket:inline-image}}

(央視電視截圖)

{{hket:inline-image name="12.jpg"}}{{/hket:inline-image}}

(央視電視截圖)

現年66歲嘅成龍喺60年代入行，早年佢唔用替身，堅持真人親身上陣，冒險拍攝高難度動作場面，成功打入國際市場。多年來佢將「我們不拼，觀眾不信」呢句掛在口邊，經常為拍戲搵命博，曾多次受傷，例如撞崩牙、眼角被踢爆、裂肋骨等。

{{hket:inline-image name="11.jpg"}}{{/hket:inline-image}}

(電影截圖)

撰文：張芷晴
責任編輯：楊安莉