【14年港姐亞軍】王卓淇拍片指港姐背後冇黑幕 網民：你敢講雷莊𠒇不是？

2020年香港小姐競選已完滿結束，2014年港姐亞軍嘅王卓淇身為師姐，睇完好大感觸。佢坦言當選港姐亞軍後，每日都有好多人問佢究竟港姐競選背後有冇黑幕。見咁多人好奇，近日佢決定喺直播平台抖音拍片分享講自己睇法，惹來唔少網民熱議。

片段一開始，王卓淇先講自己背景，佢喺廣州成長同讀書，長大後曾赴英留學，於西英格蘭大學修讀學士學位，之後佢就讀於英國薩里大學，修讀國際商業管理碩士學位。佢話自己喺香港冇咩朋友，更加唔識邊個TVB高層，僅有嘅香港朋友都係喺英國留學時認識，完全係零背景。

{{hket:inline-image name="13.jpg"}}{{/hket:inline-image}}

(王卓淇抖音影片截圖)

到正式參選，王卓淇指自己同大家一樣認為港姐競選有黑幕，所以佢一直抱住會輸嘅心態：「每次出席活動，如果拿到不是那麼理想的衣服，（會覺得）給我一件這樣的衣服，肯定是內定，有黑幕的對吧...對不起公司...」直到宣布結果，王卓琪先發現冇黑幕：「我沒想過自己會進前三甲，我只是覺得自己已經做到最好了，結果怎樣不重要。宣布我是亞軍的時候，其實你們可以看到，當時我是激動地哭出來，因為我沒有想過，原來真的沒有黑幕。」不過佢講明呢條片嘅言論只係佢個人嘅觀點，唔代表公司或者其他佳麗嘅觀點：「戴定頭盔，保護自己。」

{{hket:inline-image name="12.jpg"}}{{/hket:inline-image}}

(王卓淇抖音影片截圖)

{{hket:inline-image name="14.jpg"}}{{/hket:inline-image}}

(王卓淇抖音影片截圖)

片段下有唔少網民留言，有人問：「你敢講雷莊𠒇（2017年港姐冠軍）不是黑幕？」、「有黑幕好看」王卓淇回覆：「我只代表我個人的親身經歷與感受...我本人沒有，別人我就不知道了。」被問到點解要參加選美，王卓淇解釋想挑戰自己未知嘅領域，令自己變得更好，佢指嗰幾個月學到嘅嘢比之前20幾年仲要多。

{{hket:inline-image name="11.jpg"}}{{/hket:inline-image}}

(東星娛樂圖片)

王卓淇家底厚，有指佢爸爸經營護膚品加工生意，喺東莞擁有50萬呎廠房，身家過億，佢現時就住喺Oasis Kai Tak。

{{hket:inline-image name="17.jpg"}}{{/hket:inline-image}}

(王卓淇instagram圖片)

{{hket:inline-image name="16.jpg"}}{{/hket:inline-image}}

(王卓淇instagram圖片)

{{hket:inline-image name="18.jpg"}}{{/hket:inline-image}}

(王卓淇instagram圖片)

疫情期間，王卓淇成日喺屋企唔同角落影相，更不時著上性感短裙大騷長腿，吸引唔少網民讚好，如今佢IG已擁有23萬粉絲。不過人紅是非多，有網民指王卓淇「賣弄身材有目的」，王卓淇曾撰文回應，佢指每個女仔有自由選擇著咩衫，希望大家唔好隨意批評人。佢又認為唔係個個女仔都期待被人養，佢以自己為例，佢依家努力工作，養得起自己、家人同貓貓：「現在演藝事業和網上生意愈做愈好，我也很開心。為金錢出賣自己的事情，我做不到。」

{{hket:inline-image name="15.jpg"}}{{/hket:inline-image}}

(王卓淇instagram圖片)

撰文：張芷晴
責任編輯：楊安莉