【曾捲入感情風波】張致恒結婚1周年與老婆撐枱腳 發文懺悔：「會用一世承諾嚟報答」

今日是張致恒（Steven）與老婆雯雯（區燕雯）結婚1周年，兩人撐枱腳慶祝之餘，張致恒更發長文感謝老婆一年來的支持。相中張致恒做出V字手勢，而身後的雯雯笑得十分幸福。張致恒說：「今日係我同佢嘅大日子，結婚一年了， 我好想多謝我老婆用一個無私嘅心去接受我嘅一切。」

{{hket:inline-image name="118749499_672110266728059_7204017748436962230_n.jpg"}}{{/hket:inline-image}}

（圖片：張致恒IG）

張致恒去年宣布與圈外人雯雯奉子成婚，其後捲入「感情風波」，被揭一腳踏五船，形象插水，最終他公開道歉，又承諾會洗心革面。張致恒昨日發文向老婆懺悔：「當初我把事情搞到咁大，但係佢仲原諒我，其實一開始我講咗無數咁多嘅大話嚟呃佢，佢一直都以為我分咗手，所以先同我一齊，直到所有事情爆煲，佢先知道原來我仲未分手，呢一年以來，好多時候佢諗返起，我對佢做嘅嘢佢都會自己一個人喺度喊，見到佢咁樣我真係好心痛，亦都好後悔自己做過嘅錯事。」

{{hket:inline-image name="123.png"}}{{/hket:inline-image}}

（圖片：張致恒IG）

事隔一年，張致恒現與雯雯育有1歲大仔張天寶和兩個多月大的細仔張天牧，生活離不開工作、湊仔、煮飯同做家務等，又不時大曬家人合照，努力洗底建立好老公形象。張致恒亦好多謝老婆了一年時間去改變他：「好多謝老婆用咗一年嘅時間去改變咗我呢個心， 我會用一世承諾嚟報答返你對我嘅愛， 老婆， 雖然係呢一段時間，我哋好窮，過得有啲辛苦， 但係我會繼續努力去搵錢，畀一個更加舒適的生活你哋， 你同兩個仔先係我最大嘅動力， 喺嚟緊嘅日子我只會令你笑，唔會再令你喊， 我會努力去面對我嘅拖延症！」

{{hket:inline-image name="114331433_277034803589616_8103298635903418480_n.jpg"}}{{/hket:inline-image}}

（圖片：張致恒IG）

{{hket:inline-image name="106004947_2675200069403141_1507887964550013497_n.jpg"}}{{/hket:inline-image}}

（圖片：張致恒IG）

張致恒更在YouTube上載一條片，名為「結婚週年紀念日之特備節目」。他寫道：「今日係我同我老婆結婚一週年， 我老婆話搞搞新意思， 佢話大家睇開嘅都係我整嘢食呀湊仔呀嗰啲片， 所以今次佢話要拍返我轉頭， 老婆仲破天荒同我合作， 佢終於肯出鏡啦！」在片中張致恒為細仔餵奶，而其老婆就一邊為其擠出鼻上的黑頭，痛到張致恒叫苦連天，不但鼻都紅晒，眼眶都紅埋。

{{hket:inline-image name="118693365_346995226683735_981944932427986189_n.jpg"}}{{/hket:inline-image}}

（圖片：張致恒IG）

{{hket:inline-image name="23.png"}}{{/hket:inline-image}}

（圖片：張致恒YouTube影片截圖）

{{hket:inline-image name="232.png"}}{{/hket:inline-image}}

（圖片：張致恒YouTube影片截圖）

張致恒修心養性湊仔繼續脹爆 老婆發文講寬恕:每個人都犯錯 【下一頁】