【Zoom開學】兩女網上開學禮笑料百出 港媽1湊2崩潰親述最狼狽1天

教育局昨日（8月31日）宣布，中、小學將於本月23日起分階段復課，此前學生暫時要透過網上上課。一位港媽今日（1日）陪2名女兒「網上開學」，未料第一天已狼狽不堪，一方面用Zoom上課經常出現技術性問題，女兒難以聽清老師講話，全程笑料百出；事主又因陪上堂令家務積壓無時間做，全日均忙碌不已。

早上2.5小時Zoom開學禮

兩孩港媽溫太接受《晴報》訪問時表示，2名女兒分別就讀小三和K2，今日（1日）開學均留在家中，透過Zoom參加開學禮。溫太透露，她今早7時已起床準備，先喚醒大女梳洗，8時15分進入Zoom「教室」準備，惟起初出現網絡「塞車」，令原本8時半開始的開學禮，遲了20分鐘開始。

開學禮期間，溫太全程在旁陪伴，惟母女均難聽清校歌和老師說話，形容全程僅聽到大量雜聲和「各位同學」4字，笑指「唔知做緊咩，不知所謂」，更直言「大女悶到喺度畫畫」，甚至有同學「悶到喺度食杯麵」，

「可能禮堂空曠，老師把聲好似『潛咗水』咁，淨係聽到啲『海浪聲』，真係笑到我肚痛。」

溫太則指，為讓畫面看起來「企理啲」，她事前特別執拾家居，「收返晾出嚟嘅衫」，更要為女兒整理儀容，

「仲要幫家姐（大女）調好Cam（鏡頭）嘅角度，嗌埋『Action（開始）』，成個導演咁！仲做埋場務！」

【Zoom開學】憂9歲兒450度近視再加深 港媽$500買投影機成上堂神器 詳情即睇：【下一頁】

原本開學禮在早上10時半完結，雖然中途的休息時段被取消，但最終仍延至11時06分才結束。與此同時，次女在10時20分亦開始網上上課，與大女時間重疊，但幸好有2部平板電腦，最終20分鐘後順利完結。

上午陪上堂 家務堆在下午做

由於整個早上都陪兩女上堂，溫太的家務均拖至下午才能開始做，先忙煮午餐，再「一拖二」外出買餸，回家後做家務，至晚上7時預備晚餐。飯後約9時，一家人稍為互動後，溫太便着女兒洗澡睡覺，

「以前開學後，送完佢哋返學，我都可以瞓一陣；依家晚晚差唔多12點、1點先可以休息，有返啲私人時間。」

「全天候」照顧兩女感煩惱：其實好攰

對於學校受疫情影響安排學童以Zoom上課，溫太認為令女兒失去與老師真實互動的機會；且長期望着電子熒幕，恐傷害兒童的眼睛，

「大女之前同我講，話『媽咪我隻眼好攰，唔想望個Mon（電子屏幕）』。」

此外，對於需要「全天候」照顧兩女，甚至「做埋老師嗰份」，溫太直言「其實好攰」，更指崩潰的情況幾乎天天上演，她笑言：

「以前有陪太子讀書，依家做公主、王子嘅伴讀，真係好慘，成個婢女咁！」

對學校復課感矛盾 

問及是否希望學校盡快復課，溫太指校方暫未有指示，但她認為作為家長一方面又會擔心校園出現感染個案，加上現時部分學校校舍用作進行全民檢測，她坦言心情矛盾。

【Zoom開學】子女在家開學全屋要安靜 港媽：驚行咗入鏡匿喺房似做賊 詳情即睇：【下一頁】

每朝索取《晴報》：精明生活．健康家庭．開心娛樂

撰文：蘇麗儀