【講緊邊個?】葉璇爆女星被假面閨密連環中傷 同行如敵國為爭角色反目成仇

國際中華小姐冠軍出身嘅葉璇近年主攻大陸市場，多元發展嘅佢早前宣布暫停「帶貨」，不過依然多多瓣數，近日佢就拍網路節目《璇攻略》開live揞名爆娛圈「八卦」。

{{hket:inline-image name="20200823002364.jpg"}}{{/hket:inline-image}}

（葉璇微博）

其中葉璇大爆娛圈「塑膠閨密」反目內情引起咗唔少討論。葉璇指娛圈中嘅女星A同女星B原本係一對好姊妹，二人曾合作拍劇，女星A比女星B較有人氣，嫁咗一個年紀比佢細嘅老公；而女星B的丈夫係一位紅星。

{{hket:inline-image name="yxIDbHc1DfKncMYP3U9lkO5kuCQgniL3i3MPdItzD3Q.jpg"}}{{/hket:inline-image}}

（葉璇微博）

葉璇根據女星A嘅第一手分享，指女星A對女星B推心置腹，甚至會讓出自己嘅床畀B瞓而自己瞓地下。直至有一次，女星A接到新戲，但開拍前突然被女星B取代，打聽下發現原來係B喺背後中傷，唱佢難相處、唔好合作等，兩人從此決裂。

{{hket:inline-image name="1mpjtndXSw9V1wIiKcgsiTxzIxRmjmRiiiHHCYohxwk.jpg"}}{{/hket:inline-image}}

（葉璇微博）

事件去到十幾年後仲有後續，女星B邀約女星A食飯，原本以為係一個破冰飯局，點知女星B「在私」再插阿A一刀，竟然約埋其他朋友再當眾奚落女星A「老牛吃嫩草」，嘲笑佢嘅姐弟戀婚姻。不過葉璇表示女星B自己都唔太幸福，雖然嫁咗一個當紅男星，但老公爆出桃色醜聞，出軌出到毫不掩飾，人盡皆知。

{{hket:inline-image name="5053f851ly1ghjgkcffz8j20zk1bfu0x.jpg"}}{{/hket:inline-image}}

（葉璇微博）

葉璇又大爆一名男星有欠私德，曾飲醉後同女友嗌霎，突然發酒癲向女友掟酒杯，害女方幾乎毀容。葉璇同時勸勉女生唔好搵有暴力傾向嘅男友，以及盡量少飲酒，失控發酒癲唔好之餘，酗酒亦對身體有害。葉璇自己亦親身經歷過被商場老闆迫飲酒，但佢斷然拒絕後離開。

{{hket:inline-image name="2.PNG"}}{{/hket:inline-image}}

（葉璇微博）

另外葉璇都有講到整容嘅話題，佢將整容類比刷牙、理髮同梳頭，指變靚冇傷害到自己身體都可以接受，又話唔應該盲目追求外表，觀眾都應該重視演員嘅演技、品德同文化。

{{hket:inline-image name="1.PNG"}}{{/hket:inline-image}}

（葉璇微博）

網民對佢爆料各有意見，有人大讚佢敢言真性情，希望佢講多啲不為人知嘅內幕；但亦有人認為佢唔應該爆「陰私」刷存在感。

撰文：黃蘊姿