1987年香港小姐競選的一屆，被形容是歷來最高質素的一屆，除了選出冠軍楊寶玲、亞軍李美鳳、季軍林穎嫺和「最受佳麗歡迎獎」張鳳妮外，最令人印象深刻的是當年參賽者之一的邱淑貞被傳整容，消息鬧得滿城風雨，最終邱淑貞自動退選，但由於她條件優秀，最終獲安排加入電影圈，發展得非常順利。當年雜誌的新聞指出爆料人正是她的好朋友兼同屆候選人黃鶯。
相關新聞：【被譽為最高質的87年香港小姐】林穎嫺訪問張鳳妮談過埠新娘生活 計劃搵齊同屆港姐網上重聚
左起：邱淑貞、黃鶯和林穎嫺當年出發外景，在飛機上的合照。（圖片：林穎嫺Facebook)
邱淑貞當年退選，轟動娛樂圈。(圖片：東星娛樂)
邱淑貞在電影界發展順利，隨後下嫁沈嘉偉。(圖片：東星娛樂)
大女沈月遺傳到媽媽良好基因，入行做模特兒。(圖片：沈月IG )
黃鶯接受林穎嫺網上平台《都市嫺情》的訪問今日播出，親自為當年的事情解畫，「我第一次知道呢件事就係周刊出嚟，周刊話佢懷疑整容，仲要話係我講，但我完全唔知，點解會係我講？呢件事太荒唐，我都冇乜點理，因為港姐訓練好忙，又要去演藝學院綵排，冇乜時間睇新聞，差不多到決賽前，接到表妹電話，我先知事態嚴重。」
（圖片：林穎嫺Facebook)
（圖片：林穎嫺Facebook)
黃鶯大呻無辜，她說：「全部人都覺得係我嘅錯，因我係佢朋友，大家覺得一定係我將佢私隱爆出嚟，兩個人爭名氣。大家覺得我哋好熟，因為我同佢同另一個女仔，大家都寫埋一樣做過林子祥演唱會，當時覺得背景幾Sweet，後來新聞出嚟，大家估邊個會知佢整唔整容，就覺得一定係我喇！」
黃鶯坦言自己選美是抱住玩的心態，沒想到爭取甚麼，她說：「當年做模特兒去試鏡，次次都被選過美嘅人成功Fight到工作，所以我先去選美，當年我印象中，同屆楊寶玲係最合適人選，佢好有責任感。」她表示當年沒機會澄清，令她非常後悔，她說：「選美之後好忙，因為電影公司搵，兩年拍咗8至9部戲，冇乜點理呢件事。不過咁多年之後，每次有報道講返邱小姐曾經選美嘅事，就一定會提返我。」
相關新聞：【檸檬茶陽光妹】Yvonne Yuen18歲嫁去印尼做珠寶生意 誕3子女生活無憂環遊世界
（圖片：林穎嫺YouTube影片截圖)
（圖片：林穎嫺YouTube影片截圖)
黃鶯感激林穎嫺讓她有機會澄清30年前的事，她表示：「多謝你畀機會我澄清，最希望係邱淑貞小姐聽到，我唔知佢有冇誤會，如果冇同我一樣唔當係咩大件事，咁就最好，但如果佢心入面有唔開心或者對我有誤會，希望佢睇返呢個節目會釋懷。」林穎嫺直言曾經見過面，大家都是好朋友，她表示當年自己都有假新聞的出現，穎嫺說：「無啦啦有報道話我屋企人被人打劫，我同婆婆住，媽咪即刻打畀我問，但其實完全冇發生。」
黃鶯跟林穎嫺在模特兒時代已經認識，大家都曾經是《青春》雜誌的「青春之星」，黃鶯在南京出世，17歲移民香港，在香港做模特兒、選港姐，拍兩年戲，之後去英國進修，之後從事時裝的工作。她原本跟丈夫一直在香港生活，直至兒子小學畢業後，3年前為兒子的學業著想，決定舉家移民英國。
責任編輯：楊安莉