【好講天份】黃曉明罕騷舞技硬呔被笑「五十肩」 張晉跳舞獲好評但欠缺一個元素

大陸綜藝節目《乘風破浪的姐姐》自出街以來，都大受歡迎兼夾話題性十足，日前「姐姐們」更獲邀參加湖南衛視晚會演出，而節目內的「成團見證人」黃曉明亦罕有大騷舞技。姐姐嘅演出都獲網民讚好，但黃曉明卻就被網民瘋狂恥笑，「黃曉明跳舞好笑」更加成為咗一個tag，登上熱搜。

{{hket:inline-image name="wPtYkuteQMwjVIg6nXkKRpDvLz6EfRXO-TnvVfk571U.jpg"}}{{/hket:inline-image}}

《乘風破浪的姐姐》嘅成員張含韻、孟佳、王霏霏、郁可唯、沈夢辰及李斯丹妮一起演出，黃曉明講完開場白後，由幾位姐姐演繹《乘風破浪》的主題曲《無價之姐》，去到中段黃曉明加入，同「姐姐」一齊又唱又跳。

{{hket:inline-image name="0.jpg"}}{{/hket:inline-image}}

見黃曉明表情認真，每一步都好似跳得好用力，不過睇真啲，同隔籬嘅姐姐拍埋一齊，明顯甩晒beat。 最頂癮嘅係佢跳到其中一Part揈肩舞，動作硬晒呔，似足準備入廠維修嘅機械人，有網民笑佢好似患咗「五十肩」同「瞓捩頸」，非常生硬，有人更加指鏡頭一直Zoom近，仲有動感過佢自己郁。

{{hket:youtube id="RiBUN5-HQds"}}{{/hket:youtube}}

雖然今次嘅表演有啲騎呢，不過都無阻大家對佢嘅愛，有網民仲大讚努力表演嘅佢非常可愛，指佢畢竟都係演員出身，非常包容。其實黃曉明最少喺兩個月前已經練緊《無價之姐》嘅舞步，片中見佢都係出盡奶力苦練，大家就體諒吓跳舞始終講天份啦。

{{hket:inline-image name="9.PNG"}}{{/hket:inline-image}}

無獨有偶，張晉尋日都喺自己嘅社交平台Post咗一條跳舞片，片中每個動作都好準確咁跟到拍子，仲「勁道」十足，睇到Fans熱血沸騰！大家都勁讚佢Pro，仲話佢唔拍武打片都可以拍歌舞片咁話，清一色全讚冇負評，仲有網民抽黃曉明水，話張晉係拍動作戲出身果然係唔同啲，比其他中年男星利落。不過好多網民都留言話唯一一樣美中不足就係佢冇着西裝跳，話好期待佢下次真係正式演出會見到佢Dress up咁話！

{{hket:inline-image name="5.PNG"}}{{/hket:inline-image}}

圖片來源：微博