【好姐姐難求】港媽面試遇非常外傭 被嫌400呎住所太細無獨立房

不少家庭都會聘請外傭來照顧子女及處理家務，但由於外傭需求大有價有市，要求的遇待比以前更挑剔。有港媽分享多年前為外傭面試時，曾被對方嫌棄住所太細，「只有」400多呎及沒有獨立工人房，最後更被出言挑釁，回想此經歷仍深深不忿。

該名港媽在Facebook群組「外傭僱主必看新聞訊息」撰文表示，數年前曾在網上招聘已完約的菲律賓傭工，指自己丈夫育有一女，表明外傭需要有照顧小孩的經驗，並且要與女兒同房。本來約好一名菲律賓籍女傭周日面試，她打算在面試前先了解對方的工作環境，

「問佢舊屋幾呎，諗住睇下佢係咪都做開400呎左右屋，因為我就係4百幾呎2房要佢share room(與他人共用房間)」。

該外傭指，現時正於2800呎大屋工作，擁有獨立的冷氣睡房，僱主更會趁假期帶她到倫敦和意大利旅遊。

外傭：是你想和我面試

事主則回應指，自己無法提供大房，對方獲聘後需與少主同房，未料對方突然轉變態度，竟表示「無講過喜歡為你工作」、「是你想和我面試」，最後更指自己尚有其他面試，建議她另覓會說中文的印傭。

港媽不忿：呢個算極品

事主上載出兩人的對話截圖，指事隔多年仍然覺得對方十分囂張，「睇返起當年in（面試）工人之中，呢個算極品」；當年看到對方說「無講過喜歡為你工作」時，頓時怒火中燒，

「我只係話俾佢聽有個心理準備就係要Share room（共用房間），無啦啦被佢咁樣寸我，但明明我哋係約好咗要interview（面試）。」

帖文引起網民熱議，不少人都認為該外傭態度囂張，從她的言語中可見根本無誠意求職，「嘩寸到呢，已經唔係揀工咁簡單，係無禮貌」、 「打工咋，當正間屋係自己買咗？」、「佢個態度已經feel(感覺)到佢唔想做」、「咁好點解又轉工呀」、「我都in過一個話做開4千幾呎屋，成個過程似佢in我多啲」。

有網民指出，不少外傭因嫌打掃大屋辛苦，反而喜歡於小單位工作，認為該外傭態度反常，「人人都驚在大屋打掃（除非有多個工人陪同）只得佢唔驚大屋，換來驚細屋，明顯係來工作多於度假多啲」；亦有僱主表示，其外傭以前在獨立大屋工作，工作量甚高，當轉到家中工作時，顯得特別興奮：

「我工人姐姐前僱主係house（獨立屋）有游泳池，當時仲要同埋鄰居清潔，一星期洗一次兩邊嘅游泳池，加N架車。interview（面試）時聽到我地係apartment（單位）話，good! I hate House（很好！我討厭獨立屋）」。

每朝索取《晴報》：精明生活．健康家庭．開心娛樂

撰文︰黎穎芯