【命硬】向太陳嵐心肌梗塞檻過鬼門關 爆併發症入ICU住院逾一個月

向華強老婆向太陳嵐雖然唔係藝人，但活躍於社交平台嘅佢，就連阿仔向佐嘅婚姻狀況都由佢代言，所以向太幾乎每次更新都會成為焦點。日前向太就爆自己上月因心肌梗塞被送院急救，後來更出現併發症要入住ICU，幸好依家佢已經完成治療，前日出院回家。

{{hket:inline-image name="6UAADVCCMZARZJTGEUCCG4NZJY.jpg"}}{{/hket:inline-image}}

（陳嵐微博）

向太Post咗一張自己喺醫院病榻嘅selfie，相信係佢留院期間影落，雖然要戴上輔助呼吸儀器，但精神似乎幾好，一啲都唔似啱啱走出鬼門關嘅病人。

{{hket:inline-image name="005I43gtgy1gghnyvue6dj31f02iohdt.jpg"}}{{/hket:inline-image}}

向太與老公向華強（陳嵐微博）

向太配上佢發文《活下去的韌性！》，指自己喺7月13日因心肌梗塞入院急救，因有肺積水同心瓣唔係好郁，所以要進行急救手術，向太指ICU（深切治療部）嘅醫護更係「全隊人待命在手術房旁，怕我過不了這關」。向太稱自己在手術中一直意識清醒，佢話雖然痛到就死咁，但佢用堅強嘅意志面對，反覆同自己講一定唔會有事，雖然手術後仲有併發症，但最終向太都戰勝病魔，前日完成所有療程下晝已經出咗院返屋企。

{{hket:inline-image name="c516ad70-3823-11ea-af7d-8bf1210f4291.jpg"}}{{/hket:inline-image}}

要好好保重喇～仲要湊孫！（向佐微博）

向太大步檻過，但佢喺住院呢個幾月有朋友染上新冠肺炎；台灣美魔女羅霈穎被發現倒斃家中；央視前節目主持人崔永元昏迷都令佢好掛心，亦令佢有所啟發。

{{hket:inline-image name="641.png"}}{{/hket:inline-image}}

（網上圖片）

向太語重深長咁留言：「和親友每次的告別最好用心一點。多說一句，可能是最後的一句。多看一眼，可能是最後一眼。緊緊的擁抱，可能是訣別的一抱。那些因為緣份而來的東西，終有緣盡而別的時候！大家一定要健康喔！一定要珍惜自己及家人朋友們！」

{{hket:inline-image name="005xCrNDly1ggwrhrzinrj31400u07fu.jpg"}}{{/hket:inline-image}}

向太轉載阿仔報喜發文。（向佐微博）

向太今次入院完全冇消息外洩，住院期間都仲喺社交平台出post，轉發向佐及郭碧婷的微博，仲代子宣佈喜訊，表示自己就快做嫲嫲。今個月初傳出向佐已飛台同老婆團聚，向太仲代向佐回覆傳媒，指當時向佐仍身在大陸等台灣批准入境，向太更有意先飛到台灣陪新抱待產，但因為向華強唔放心而告吹。

撰文：黃蘊姿