【非常鄰居】鐵閘外「潛建」10層巨型鞋架 鄰居苦惱：唔掂地唔算阻塞？

有居民為方便會在走廊放一兩對鞋，惟有網民近日卻分享，鄰居將10層巨型鞋架掛在鐵閘，被其他網民狠批過份，不衛生亦不美觀，有人則分享一招以牙還牙，或可令對方收斂。

一位網民近日在網上討論區「親子王國」分享，指剛搬來的鄰居在住所鐵閘外，掛出一個多達10層的巨型鞋架，每層可放2對鞋。據照片可見，上面已放有近20對大小不一的鞋子，有男款女款，相信全家一同使用。事主指，該鄰居已將鞋放在門外多日，並無奈反問：「係咪因為唔掂地所以唔算阻塞？」又指或因鞋未有著地，故管理處未有要求他們清走。

不少網民指首次見人在鐵閘外掛這樣的巨型鞋架，認為這樣的收納方法造成衛生問題，「放幾對都可以，但咁樣就太過分」、「走廊好臭！」，戶主自己亦要赤腳踩在走廊才能入屋。另有網民以風水角度分析，指鞋不可以放高過頭、財不入污門等：

「大門係納氣口，主宰整間屋嘅命脈，俾咁多對鞋踩住自己個頭，呢家人一定不會順利。」

過來人一招還擊

有網民則指自己遇過同類鄰居，指對方同樣將大量鞋放在門口，她曾向管理處投訴，惟對方無視管理處要求，繼續將鞋放在屋外多周，她決定以牙還牙，
「後尾我谷鬼氣， 擺得畀佢多 幾倍， 佢先乖乖地搬返D鞋入屋， 我見佢搬返啲鞋入屋，咁我咪搬返啲鞋。我呢個方法有用。 即係要鬥衰格。」至於事主則指，該鄰居終在前日（14日）將巨型鞋架拆除。