【前TVB御用強姦犯】李天翔開直播外表憔悴變大叔 獲網民課金支持點解都憂心忡忡？

李天翔早期擔任兒童節目《閃電傳真機》同《至NET小人類》主持，成為「認字特警」而為人熟悉，後來佢轉型變成「御用強姦犯」。直到上年5月佢獲老婆支持決定離巢，《解決師》係佢喺TVB嘅告別作。離巢年幾，近日李天翔首次喺微博開直播，用普通話同網民傾偈。

{{hket:inline-image name="21.jpg"}}{{/hket:inline-image}}

(TVB電視截圖)

{{hket:inline-image name="11.jpg"}}{{/hket:inline-image}}

(《解決師》電視截圖)

{{hket:inline-image name="12.jpg"}}{{/hket:inline-image}}

(《解決師》電視截圖)

李天翔喺直播著住背心，臉上嘅黑眼圈、法令紋齊齊見人，有網民指佢似乎憔悴咗唔少，成個大叔咁，好彩佢嘅手臂肌肉唔差，依然充滿男人味。李天翔話計劃去成都探朋友，不過要先喺東莞酒店隔離14日。網民問佢困喺酒店嘅生活難唔難受，佢就話會喺房內做運動，唔覺悶：「沒有壓力，也不覺得無聊。以前北上做完活動，我也會躲在酒店，不會出外，隔離對我沒影響。」有網民問有冇新工作，李天翔就話如無意外會喺10月先返香港拍劇，佢直言希望10月底前會有新工作：「我希望有機會到內地拍電視劇、電影，看看有沒有人來找我吧，哪個地方需要我，我都會去。」

{{hket:inline-image name="18.jpg"}}{{/hket:inline-image}}

(李天翔微博直播截圖)

{{hket:inline-image name="19.jpg"}}{{/hket:inline-image}}

(李天翔微博直播截圖)

其實早前李天翔接受訪問時都已經坦言等緊機會，然而受到疫情影響，佢手頭上唔係好多工作，幸好可靠積蓄頂住，負擔唔算重。最近佢拍咗條宣傳片，講到明想接啲商場、酒吧演出：「我係中國香港演員李天翔，依家身在內地進行隔離，之後就出關㗎喇。各位好朋友、老闆，要約嘅話快啲嚟！」

{{hket:inline-image name="13.jpg"}}{{/hket:inline-image}}

(李天翔微博影片截圖)

{{hket:inline-image name="20.jpg"}}{{/hket:inline-image}}

(李天翔微博圖片)

喺直播期間，有網民課金畀李天翔，支持吓佢，不過佢唔明咩嚟：「謝謝你的禮物，但用來幹嘛的？我不懂，有沒有人教我？我今天是第一次玩直播。」有網民解釋畀佢聽，教佢換番真錢，佢即刻好大反應：「吓！你們買的禮物需要很多錢的嗎？要花錢買的？謝謝你們...哎呀慘了，我應該怎麼辦？我真的覺得不好意思。」

{{hket:inline-image name="14.jpg"}}{{/hket:inline-image}}

(李天翔微博直播截圖)

{{hket:inline-image name="17.jpg"}}{{/hket:inline-image}}

(李天翔微博直播截圖)

見到李天翔咁擔心，唔少網民紛紛安慰佢唔使驚：「你不要有心理負擔」、「沒事的」、「禮物的錢，天翔不用care啦」等。不過李天翔依然好介意，話會諗辦法睇吓點送到簽名照畀大家以作答謝。

{{hket:inline-image name="15.jpg"}}{{/hket:inline-image}}

(李天翔微博直播截圖)

之後有網民話畀李天翔聽，有唔少人做直播月入幾萬，有人就話識得個朋友鍾意咗個直播主，走火入魔，賣咗層樓拎錢去打賞畀個直播主，佢再次露出驚訝表情：「不是嘛？太瘋了對吧！」見到李天翔咁大反應，網民都話佢性格好可愛，又讚佢真人勁親民，同演戲中嘅反派形象有極大反差，佢好認同：「我本人是蠻可愛，笨笨的。」

{{hket:inline-image name="16.jpg"}}{{/hket:inline-image}}

(李天翔微博直播截圖)

撰文：張芷晴
責任編輯：楊安莉