【無理取鬧】錯過營業時間大鬧診所 野蠻女曬醫療卡揚言投訴：聽日你哋仲喺度我就唔姓張

自己錯過營業時間被拒諸門外，反惡人先告狀！一名女病人日前欲到診所求醫，卻因「冇睇錶唔知時間」錯過營業時間，診所職員見狀遂勸對方「明天請早」，惟女病人竟不滿被拒絕收症，「威脅」指要致電醫療卡熱線投訴，更揚言「聽日你哋仲喺度我就唔姓張」。

診所女助護「珍寶豬」上周四（6日）在其Facebook專頁「診所低能奇觀」中發文，表示有一晚其任職的診所打烊鎖門後，一眾職員仍留在裡面「對數」。儘管門口不時傳來「敲玻璃聲」，診所電話亦持續響鈴，事主跟同事未有理會，「繼續做自己嘢」。

其後，「敲玻璃聲」和電話響鈴終於靜止，事主跟同事完成工作後亦離開診所。此時，一位女士看準時機跑過去向事主稱：「哦！原來你哋一直都喺入面！」事主聞言，便解釋診所職員已下班，表示「醫生走咗㗎啦」，意圖打發對方，未料對方依然「窮追不捨」。

女士：「醫生走咗？咁我點呀？」

事主：「你要睇醫生嘅就要聽朝嚟啦。」

女士：「開幾點、收幾點㗎你哋？」

事主：「開9點、收8點。」

女士：「依家8點啦咩？」

事主：「已經過埋8點啦。」

女士：「Oops，我冇睇錶唔知時間呀，我唔知你哋會咁準時收工添。」

更讓事主不滿的是，對方不覺自己毫無時間觀念，反欲投訴診所不收症，「威脅」指要打電話到醫療卡服務熱線，「話畀佢哋知你哋唔睇我」，更囂張地稱：

「唔知會點呢？會唔會好嚴重呢可？」

事主聽後心想「會冇人睬你」，但仍對該位女士打電話投訴的舉動「表示歡迎」，更提議對方「問埋附近有冇其他診所收你張卡」；而該位女士亦隨即拿出手機「低頭篤篤篤」，更自言自語稱：「聽日你哋仲喺度我就唔姓張！」對此，事主不禁在帖文中揶揄：

「我哋收工啦，你慢慢啦。話時話，你改咗幾多次姓？」

不少網民看到帖子後，紛批評該名女士無理取鬧，「啲人硬係揸住張『卡』就當自己大爺」、「有好多人真係以為世界會圍住佢轉」、「無錶但有電話，無時間顯示咩」、「啲人可唔可以負吓責任喺診所截症前嚟登記呢？」此外，亦有人笑稱：「可能佢本來就唔係姓張」、「睇來小姐病得唔輕，要即時搵醫生施行急救。」

文章獲「診所低能奇觀」授權轉載

每朝索取《晴報》：精明生活．健康家庭．開心娛樂

編輯：蘇麗儀