【新冠肺炎】熟食中心排買豬扒麵人山人海 樓下大埔墟街市有確診 今提早關閉消毒

本港第三波新冠肺炎來勢洶洶，但仍無阻市民想吃美食的決心。大埔綜合大樓維修數月後於上周重開，而位於2樓的熟食中心連日來亦十分旺場，其中一間馳名的豬扒麵檔更是大排長龍。對此，有大埔街坊表示憂心：「會唔會有排隊買豬扒群組？」而在今日（7日）中午，食物環境衞生署宣布因近日有初步確診個案與大埔墟街市有關連，該街市今日將提早1小時關閉，作徹底清潔及消毒。

據了解，由於不少食客十分懷念熟食中心豬扒麵的味道，即使外賣要等至少半小時亦在所不惜。昨日（6日）中午，有網民拍下現場畫面並分享至Facebook群組「Tai Po 大埔」，表示：

「今日想食豬扒麵朋友請預留時間......#原來排隊買嘢就唔限2個…… #會唔會有排隊買豬扒群組？」

從網民上傳圖片可見，熟食中心多個食肆檔口已重開，其中一間豬扒麵檔的檔口前更是大排長龍，人與人之間距離不足1.5米，而附近多張枱亦兩個、兩個的全部坐滿，場面墟冚。另有網民上傳另一張圖片，表示：「前日（4日）已經係咁！」

{{hket:inline-image name="pork070820202.jpg"}}{{/hket:inline-image}}

（「Tai Po 大埔」圖片）

此事引來網民熱議，不少人表示擔心，「咁多人！好快大爆發」、「豬扒群組」、「新街市群組」、「重坐低食真係勇者」、「人真係唔驚死」、「好心啦，仲喺街市食」、「呢個只係平日，假期真係不敢想像，其實我都feel到熟食中心好快會大爆發，真係好驚呀」、「開放堂食好心自律吓啦」、「兩星期後新街市會唔會有個案，潛伏期係兩星期大家係咪開始鬆懈」、「有事真係唔好喊」、「祝大家身體健康，希望大家回家冼手同衣服，太多人」。

不過，亦有網民只擔心無法吃到美食，「以前食都要坐到超迫先得，而家限2人一枱真係等到6點都唔知有無得食」、「假期1點食唔食到？」、「琴日食咗，仲好好彩畀我搵到位堂食」；更有網民晒出豬扒麵照片，表示「好好味」。

{{hket:inline-image name="pork070820201.jpg"}}{{/hket:inline-image}}

有網民晒出在豬扒麵檔堂食的照片。（「Tai Po 大埔」圖片）

但至今日中午，食環署宣布因近日有初步確診個案，與位於大埔綜合大樓地下及1樓的大埔墟街市有關連，該街市今日將提早1小時至晚上7時關閉，以便在街市公用地方及設施進行徹底清潔及消毒。

署方亦呼籲街市檔戶配合，在各自攤檔範圍清潔及消毒；同時，署方亦會在街市外圍及附近街道作深層清潔，清潔消毒工作預計需時約4小時。發言人表示，署方會繼續密切留意各街市情況，有需要時會於其他街巿作深層清潔消毒工作，以保持環境衛生。

每朝索取《晴報》：精明生活．健康家庭．開心娛樂

責任編輯：李凱晴