【人生憾事】龔嘉欣尾指斷筋無法繼續學鋼琴 譚嘉儀遺憾哈比身高未能圓夢做...

大抵每個人人生中總有憾事，事件發生後不能重來，但卻可以引以為鑑。而《晴報》訪問了吳業坤(坤哥)、譚嘉儀及龔嘉欣，三人都分享了自己因錯過而後悔的事情，提起往事時，坤哥同龔嘉欣仍覺得後悔。

相關新聞：【藝人尷尬往事】薛家燕星馬登台忘打底全場嘩然 吳卓羲唱歌唔記得拉褲鏈超尷尬

龔嘉欣因尾指斷筋無法繼續學鋼琴

龔嘉欣在小時候曾學過鋼琴，不過上了一堂就放棄。現在一件樂器都不曉彈奏的她，回想仍覺得後悔：「一直覺得識得彈奏樂器係一件好優雅嘅事，如果可以時光倒流，我一定會好好去學。」而長大後的她就因尾指筋斷了而不能完成這夢想：「試過幾次拍劇，監製原本打算安排我彈鋼琴，但因為尾指筋斷咗，我唔可以彈琴，其實好後悔細個唔去學，依家都想學一啲嘢增值自己。」

{{hket:inline-image name="3.png"}}{{/hket:inline-image}}

（圖片：東星娛樂）

另外，龔嘉欣亦指自己曾因沒有收留街上被遺棄的小動物而感後悔。她說：「前幾年我同姚子羚一齊住，喺附近一條村有幾隻流浪貓，係由我哋一班村民一齊養，突然有一日發現唔見咗其中一隻叫『小花』嘅貓，於是同子羚四圍搵，甚至搵到去山頭，足足搵咗一個禮拜，仲貼埋街招，所以好後悔當初無接佢走，呢隻貓好嗲，次次經過佢都會送到我去鐵閘先走，真係好乖。」

譚嘉儀遺憾因身高未能做空姐

譚嘉儀身形嬌小玲瓏，原來她一直以來都因自己的身高，未能當上空姐而感到遺憾。她說：「細個嘅時候我一直都夢想長大之後可以做空姐，無奈因為身高唔合乎標準而放棄咗，本身真係好鍾意周遊列國，每次坐飛機，空姐喺身邊行過，我都用好仰慕嘅眼神去望住佢哋。」

{{hket:inline-image name="2.png"}}{{/hket:inline-image}}

（圖片：東星娛樂）

譚嘉儀又指雖然如此，但都從來無埋怨過父母：「不過我從來無埋怨過父母生得我咁矮小，因為後來覺得細細粒都有好處。以前喺外國讀書，身邊啲同學、朋友個個都生得高大，生得細細粒嘅我反而得到大家嘅呵護，佢哋成日我覺得我好cute，就算依家我都覺得唔夠高大原來都有好處，就係唔怕撞到個頭，不過做咗藝員之後，都希望可以喺拍劇嘅時候嘗試做空姐嘅滋味，始終拍劇都可以不受高度限制，哈哈！」

相關新聞：【被指撞樣陳秀珠】31歲譚嘉儀曬素顏照獲網民正評 網民讚似16歲 ：你唔好再化妝

吳業坤因狗仔失救而耿耿於懷

坤哥表示事件大約發生係17、8歲，至今仍令他耿耿於懷：「事件大約發生係17、8歲，當時送女朋友返屋企，喺屋企附近發現路邊有一隻狗BB畀人放喺狗公園，雖然狗仔一直無人理會，但係佢都好乖，後來我同女朋友尋根究底之下，發現原來狗BB係畀人棄養，當時我同女朋友都好努力去搵人收養隻狗仔，因為自己住喺公屋嘅關係，唔可以養小動物。期間有個女仔好心話收養狗仔，見佢咁有心，大家就對佢好信任，當時我仲提醒個女仔一定要帶隻狗去打針，點知過幾日先知道原來佢一直無帶狗仔去打針，直到我同女朋友接走狗仔，帶佢去動物醫院，可惜因為太遲，狗仔最後都死咗。」

{{hket:inline-image name="1.png"}}{{/hket:inline-image}}

（圖片：東星娛樂）

坤哥指事隔多年仍然一直都很後悔，更指如果當日決心帶走牧羊狗BB，可能狗仔便不會因失救而死亡。「如果我唔理任何情況下帶隻狗仔返屋企，可能會救得返，嗰時就係因為居住嘅環境唔容許養小動物，畀人投訴係另一回事，但起碼可以救返一條生命，所以依家諗返件事我都仲係好後悔。」

採訪：Pauline
撰文：林惠珊
責任編輯：楊安莉