【料理背後】港女生自嘲常煮「暗黑料理」 剖白兒時經歷致成「地獄廚神」

受新冠肺炎疫情影響，不少人留在家中煮三餐抗疫，惟對不擅下廚的人而言卻是「噩夢」。一位香港女生分享指，自己自幼甚少有機會吃「住家飯」，更缺乏入廚機會，以致現時不時煮出「地獄料理」遭友人嘲笑，近期更因在家工作需「食自己」而感苦惱，甚至因此日漸消瘦，笑言「我無減肥，只係唔識煮好食嘅嘢」。

女網民「B」本周二（4日）向Facebook專頁「Day Day Explode 日日爆」投稿，圖文並茂分享自己不擅下廚，「成日畀啲朋友笑」，不過她指這與自己的童年成長有關。原來事主在小學和中學時期均寄人籬下，總是最後一個洗澡、親手洗衣服，卻苦無機會下廚，皆因不敢用別人家的廚房，

「所以不夠膽放嘢入雪櫃，莫講話煮嘢食。」

羨慕同學有「住家飯」

缺乏下廚經驗的事主，甚至因此抗拒學校燒烤活動，因不懂分辨豬扒等食物熟透與否，故只會燒香腸，她憶述：

「通常都係同學燒埋畀我食，覺得好幸福。所以如果有朋友煮飯畀我食，係一件好感動嘅事，尤其係聽到『家常便飯』，對我嚟講，真係不是，我覺得有人煮 = 有人照顧。」

而讀書時期，她很長時間都只能光顧快餐店下午茶「當兩餐」，或食急凍食品，故她自幼便很羨慕「有三餸一湯嘅屋企」，羨慕同學有焗爐製作曲奇餅，嘆道「我覺得佢哋好叻，屋企又有位放焗爐」。

長大後抗拒入廚

事主長大後經濟環境改善，更會捐錢予校友會回饋社會，但廚藝多年來仍未改善，甚至感到抗拒，認為煮三餐「好煩，又要洗」，故只會煮不需烹調技巧的餃子。不過近月受疫情影響需在家工作，便因經常要「食自己」而倍感苦惱，因廚藝不精終「自食其果」，笑言每餐都「好難食，仲要洗碗」，日前更誤將豆腐放入冰格，她不禁感嘆：

「我真係好感受到，其實有魚有肉真係好幸福，如果有海鮮就係好富裕。4月底出返街，好多客人同朋友都話我瘦咗，的確西裝真係鬆咗好多，個個都叫我唔好減肥，其實只係唔識煮好食嘅嘢。」

網民打氣籲「慢慢學」

不少網民看到帖文後，紛留言為事主打氣，「不怕，做多就會好，加油」、「唔使急，慢慢來，堅持落去一定愈煮愈好」；亦有人建議事主：「睇多啲Youtube教學同望多幾個食譜比較細節，慢慢學就識」、「超市好多即食餸包、即食飯，或者一煮就食得嘅意粉醬，『一人前』啱啱好」。

延伸閱讀：【暗黑料理】妻子外傭不在家 地獄廚神港爸炮製「橙飯」做午餐 3歲女兒反應是...【查看更多】

內容獲Facebook專頁「Day Day Explode 日日爆」授權刊登。

每朝索取《晴報》：精明生活．健康家庭．開心娛樂

撰文：蘇麗儀