【新冠肺炎】良心業主主動提出小店免租1個月 港女感雪中送炭願交一半 「業主都唔係有錢人嚟㗎」

新冠肺炎疫情重創本港經濟，失業率攀升並出現結業潮，令不少市民叫苦連天。所幸社會上仍有良心業主願意減租或免租共度時艱，一名經營小店的港女便是其中一名幸運兒，獲業主主動提出免租一個月。對此，她大為感動，更表示願意交一半租：「大家有冇在呢個時候有人雪中送炭呀？」

「我租舖嘅，呢一年都在捱打……」該名港女昨日（3日）在Facebook群組「香港免佣租屋網」發帖，指在疫情下生意慘淡，但業主仍以平過市價的租金，將店舖租給她。而且更甚者，她剛剛更收到業主以WhatsApp通知，對方表示：

「我同拍檔談過，免你一個月租。」

對此，她並認為自己十分「好彩」，「大家有冇在呢個時候有人雪中送炭呀？」而大為感動的她，更向業主表示願意交一半租。她在另一則帖文分享兩人對話後，表示：

「本身個租金係5,600蚊，其實我個業主都唔係有錢人嚟㗎，所以我都唔想影響佢，但求大家好就係雙贏啦！」

此事引來網民熱議，不少人大讚該位業主及港女均有良心，「人間有情」、「世界係有好人」、「超好嘅業主」、「租客和業主都有良心」、「同舟共濟真香港人」、「真係好難得，雙方都唔係金錢行頭！祝捱過難關後，生意興隆！」、「遇到好業主幸運！遇到有責任感嘅租客同樣幸運！」

同時，亦有不少網民表示自己沒有如此幸運，「我業主都無減租」、「我業主話考慮加租，跟著同我講你頂唔住咪一個月通知交返個場出黎囉。」、「我同業主講 租到8月尾完一年死約，唔再續租，因為負擔唔起，佢已讀不回我！」

每朝索取《晴報》：精明生活．健康家庭．開心娛樂

責任編輯：李凱晴