【環保VS傳統】 好心港女轉讓二手結婚用品 盼物盡其用反被批「唔吉利」 網民力撐：將幸福傳承落去

結婚開支龐大，不少新人會在網上尋覓二手婚禮物資，但有人卻認為此舉「不吉利」，應使用全新用品。一名港女日前在網上免費轉讓使用過一次的婚禮敬茶茶具及跪墊，以免浪費；但其好心之舉反被網民批評「意頭不好」，又指沒有人會使用二手婚禮用品。不過，亦有網民認為將幸福傳承落去，都是一個祝福。

該女網民日前（2日）在Facebook群組「將軍澳主場」發文，表示免費讓出一套婚禮敬茶用的茶具套裝及跪墊，並透露只使用過一次，非常新淨，「我都係即管睇吓有冇谷友有需要又唔介意二手, 唔好浪費嘛。」從照片可見，茶具套裝連包裝盒保存極佳，外表如同全新。

未料，女事主好心之舉卻遭網民批評，有人直指婚禮用品講求「意頭」，沒人會使用二手，「呢啲意頭嘅野，建議你最好自己擺埋留念或用」、「邊有人會送出呢啲畀人㗎」。

不過亦有不少網民力撐女事主，認為對方都是希望物盡其用、支持環保，更舉例指「酒樓或酒店敬茶果（嗰）set嘢（杯）都幾百手了」、「新人租婚紗同裙褂，著咗幾十手，點解唔話唔吉利」，形容「其實將幸福傳承落去，都係一個祝福。何況樓主而家係免費送畀有需要嘅人，唔需要覺得大驚小怪」。

此外，亦有網民分享自己經歷，「當年我套茶具送咗俾個小學同學，我哋都分別生咗對龍鳳胎呀！夠吉利啦！唔知關唔關事」。女事主事後回應帖文時，透露兩套用品已送出給一對年輕情侶，對方亦回送她朱古力餅，

「開心可以幫到人自己又清下屋企嘅嘢！」

延伸閱讀：

【疫情下婚禮】新人無戴口罩與親友影相留念 網民反應兩極：今年結婚新人好慘【查看詳情】

【患者行蹤】本港第三波疫情 各區確診者到訪商場食肆名單【不斷更新】

【新冠肺炎】各區確診者居住大廈名單 不斷更新【8月3日更新】

每朝索取《晴報》：精明生活．健康家庭．開心娛樂

撰文：劉紀瑩