【新冠肺炎】一家四口駿洋邨隔離感激大家鼓勵 2孩港爸報喜︰終於平安返屋企

本港第三波新冠肺炎疫情嚴峻，連日來有不少確診者是被家人傳染而染疫。因為同住家人確診，一名港爸與妻子及兩名子女被列為緊密接觸者，需入住火炭駿洋邨隔離14日。在苦悶的日子中，港爸在網上分享隔離生活，並公開感謝醫護及民安隊隊員等人員的付出，其正面態度獲得一眾網民讚賞。至今日（3日），港爸一家四口終完成隔離，而兩次檢查結果亦顯示陰性，「多謝大家一直嘅支持同鼓勵……終於可以平安返屋企！」

{{hket:inline-image name="kid030820206.jpg"}}{{/hket:inline-image}}

港爸在帖文中展示出營通知。（「巴打絲打 Facebook Club」圖片）

該名港爸早前在Facebook「巴打絲打 Facebook Club」發帖，分享一家四口於駿洋邨隔離的生活【查看詳情】。他昨日（2日）再度在群組內發帖，宣布喜訊：

「喺度多謝大家一直嘅支持同鼓勵，我哋一家4口經歷14日隔離同2次檢查，最後終於可以平安返屋企！」

{{hket:inline-image name="kid030820201.jpg"}}{{/hket:inline-image}}

港爸一家靠風扇降溫，惟一對年幼子女仍熱到出熱痱。（「巴打絲打 Facebook Club」圖片）

他又分享隔離14天的心路歷程，由於單位內沒有冷氣，加上天氣炎熱，直言有點「難捱」，

「頭一個星期真係好熱，小朋友熱到出熱痱，好彩自己有帶supplement（營養補充品）畀小朋友同多沖身抹身，起碼幫輕到小朋友舒服啲。今個星期落雨溫度回落咗舒服好多，夜晚瞓覺都可以開一部風扇已足夠，就算下午都唔需要沖身。」

{{hket:inline-image name="kid030820203.jpg"}}{{/hket:inline-image}}

小朋友會自製玩具取樂。（「巴打絲打 Facebook Club」圖片）

至於一家人隔離時的每日作息、小朋友的情緒變化，他分享表示在這14天中，小朋友每日都跟平時在家一樣，沒有分別，

「玩、食、瞓，兩個小朋友年紀雖然仲細（4歲半、2歲半），但哥哥明白事理，而妹又因為有哥哥陪住一齊玩，兩兄妹都好似平時咁度過，冇話要喊住走同返屋企（當然佢哋有講過掛住屋企）。」

他指出，一家人每日早上8時起床後，

「刷牙洗面、食早餐、洗衫、晾衫、陪哥哥做功課、食lunch、玩DIY玩具、畫畫、瞓晏覺、iPad學習、食Dinner、沖涼，咁又過一日，有小朋友時間過得特別快。」

{{hket:inline-image name="kid030820205.jpg"}}{{/hket:inline-image}}

小朋友會畫畫消磨時間。（「巴打絲打 Facebook Club」圖片）

原定7月尾停止運作的駿洋邨，隨著本港爆發第三波疫情，而需延遲至本月中才停運。港爸指出，前日（1日） 旁邊左右單位又有人入住隔離，如果大家萬一需要到駿洋邨隔離，不訪參考他之前的分享，

「最後......希望喺隔離中心接受緊隔離嘅人士可以平安無事返屋企，冇入隔離中心都希望你哋唔需要入，大家加油！」

每朝索取《晴報》：精明生活．健康家庭．開心娛樂

責任編輯：李凱晴