【婆婆和媽媽】伊能靜奶奶語重心長訓話大快人心 老公秦昊「狡辯」護航被插埋一份

伊能靜近期參加大陸綜藝節目《乘風破浪姐姐們》曝光度前所未有咁高，但亦因為接二連三失言備受批評。

{{hket:inline-image name="20200627192030-d4832c72141ecc605f1288978f942e3a-mobile.jpg"}}{{/hket:inline-image}}

伊能靜早前講自己嘅愛情觀時搬出已故嘅梅姐，惹嚟觀眾反感。（網上圖片）

伊能靜同佢嘅老公仲有奶奶同時參加另一個真人騷節目《婆婆和媽媽》。日前有一集秦昊嘅媽媽就評價媳婦伊能靜，一針見血咁講到伊能靜：「雖然善良，但是要強，而且有個最致命的弱點，就是『話太多』。」

{{hket:inline-image name="photo.jpg"}}{{/hket:inline-image}}

（《婆婆和媽媽》截圖）

老公秦昊就即刻幫口解釋，指伊能靜呢啲係心直口快：「這口快到什麼程度呢？口快到你心都沒想過，你嘴就說出來了。就這麼快。」

{{hket:inline-image name="BB17npwz.jpg"}}{{/hket:inline-image}}

（《婆婆和媽媽》截圖）

伊能靜都表示自己因為已經離開演藝圈一段時間，所以就唔小心將平時同屋企人相處嘅習慣帶番工作場合。

奶奶聽到伊能靜呢番話更嚴厲回應：「你作為公眾人物，就是應該謹言慎行，你就記住媽媽這句話。還有一個，不管在什麼時候都要低調。」秦昊就話佢兩公婆都冇當自己係公眾人物，都冇覺得演員地位比較高，認為一般公民講咩佢哋都可以講。

{{hket:inline-image name="5b76-ixeeiry7294830.jpg"}}{{/hket:inline-image}}

（《婆婆和媽媽》截圖）

秦媽媽連阿仔都話埋一份：「別的公民能讓全國人民看節目嗎？」並指秦昊嘅講法係「定義上的狡辯」，因為藝人同其他人始終唔同，雖然人與人之間確實係平等，但全國人民都可以睇到藝人嘅表現，所以都係要謹言慎行、要低調，係佢作為一個媽媽給予孩子嘅建議。

{{hket:inline-image name="BB17nw7u.jpg"}}{{/hket:inline-image}}

（《婆婆和媽媽》微博圖片）

節目出街之後後，網民都大讚秦媽媽係一個講道理嘅人，指佢一番語重心長嘅訓話非常中肯，更指真係家有一老，如有一寶，話秦媽媽睇得好「通透」，話藝人有時無心之舉會被放大：「媽媽說得對呀，你既要賺藝人這份錢，就要遵守作為藝人的道德」。

撰文：黃蘊姿