講起兒童節目主持，大家一定會諗到譚玉瑛，佢由80年代入行，由《430穿梭機》、《閃電傳真機》、《至Net小人類》到《放學ICU》，主持咗32年，唔少香港人都係睇佢節目大。
(《430穿梭機》電視截圖)
{{hket:inline-image name="15.jpg"}}{{/hket:inline-image}}
(《閃電傳真機》電視截圖)
{{hket:inline-image name="16.jpg"}}{{/hket:inline-image}}
(《至Net小人類》電視截圖)
{{hket:inline-image name="17.jpg"}}{{/hket:inline-image}}
(《放學ICU》電視截圖)
如今佢已經轉咗去拍《香港原味道》、《阿爺廚房》等同飲食有關嘅節目。近日，譚玉瑛接受yahoo TV訪問，分享佢喺工作同愛情上嘅心態。
(《阿爺廚房》電視截圖)
入行多年，譚玉瑛一直被傳係「娛樂圈小富婆」，有本事食好嘢飲貴紅酒，佢解釋只係使錢方式同其他人唔同，喺飲食上會捨得花多啲錢，所以令人誤解，但其實佢出入只會搭船、地鐵：「係個好慳嘅人先真，除咗買酒比較貴之外，最貴買過嘅紅酒盛惠8000蚊。我鍾意嘆世界，食嘢冇限制過自己，想食就食。」
(yahoo TV截圖)
離開兒童節目有6年時間，譚玉瑛指新一代嘅小朋友已經唔識佢，識佢嗰啲全部已為人父母：「例如喺街度有啲媽媽見到我，好緊張咁拉埋個仔搵我影相，佢個仔問：『媽咪點解你要同佢影相？』呢個情況好正常。」雖然曾經有其他人邀請佢做兒童節目，但譚玉瑛唔想再行番同一條路：「我唔想再做...呢6年來眼界闊咗，接觸多咗啲飲食嘅事，我最鍾意飲飲食食，所以幾啱我，我覺得好似仲開心咗。」
被問到工作上有咩目標，譚玉瑛坦言依家做任何嘢都冇刻意、主動咁去追求啲咩：「可能我自己渣，都唔夠膽，追求又點？不如坐定定。我哋呢個年紀嘅人，要做榜樣畀年輕人睇，唔好同人爭。」譚玉瑛憶述佢年輕時候曾經好努力，希望做好眼前嘅工作，等其他人見到會賞識佢，令佢得到更多工作機會。直到公司再次邀請佢拍劇時，佢先發現自己唔太鍾意，比起拍劇，佢更享受主持兒童節目，於是佢當時一口拒絕：「唔知係咪叫做冇大志？」
(《突破》電視截圖)
(《萬水千山總是情》電視截圖)
(《富貴榮華》電視截圖)
譚玉瑛有個拍咗拖38年嘅初戀男朋友周震聲，二人都冇結婚打算，佢話：「到呢一刻唔會再去諗結唔結婚，不如學好每一日點樣好好咁同對方相處、生活，咁樣仲實際。」相愛多年有何保鮮法？譚玉瑛就曾經講過，兩個人之間最緊要互相尊重、自由度大，所以佢平時都好少同男朋友講電話。
(yahoo TV截圖)
最近新冠肺炎疫情蔓延，譚玉瑛表示差唔多所有外地工作都取消咗，住喺離島嘅佢呢排成日去海邊散步:「當情況嚴重嘅時間，朝早7點我就出去，嗰時街上好少人，所以我口罩都唔使戴。」
撰文：張芷晴
責任編輯：楊安莉