【職場奇事】轉工恃做過經理言壓年輕女同事 中年婦：論年紀你唔配教我嘢

職場人事複雜難測，不少上班族或都為此深感苦惱。有「打工仔」分享，指公司近來請了一名40多歲的女文員，對方卻恃自己曾任店長和經理，指年輕女同事「唔配教我嘢」。儘管女同事依然盡責指導她，惟新同事卻毫不領情，更在開會時向上司投訴，指年輕女同事「話佢做錯嘢」，事主得悉後大感無奈。

網民「食物鏈最低層」於上月20日晚上，以「你唔配教我！」為題向Facebook專頁「奴工處」投稿，分享自己在職場裡遇到的一件「奇聞」。事主指，公司最近聘請了一名女文員，新同事目測40多歲。事主形容，對方第一天上班，其同組的「小妹妹」便循例教導新同事工作內容。未料該名中年女同事竟不「受教」，更恃着自己工作經驗豐富，繼而言壓「小妹妹」，聲稱：

「我之前做店長，又做過經理，論年紀你都唔配教我嘢。」

其後，事主上周三（7月29日）中午以「重（仲）敢教我做嘢？」為題，再次向專頁投稿「更新」進展，表示「小妹妹」被新同事言壓後，仍非常盡責地指導對方工作，更會好心提點對方錯處，甚至不時要替新同事「執手尾」，惟事主指「經理嬸」卻毫不領情，更反咬對方一口，事主形容：

「點知開組會時，佢（新同事）同『大姐』投訴『小妹妹』，話『小妹妹』話佢做錯嘢。」

不少網民看到帖文後，紛形容該名新同事「玻璃心大過天」，留言表示「咁係咪即係做錯嘢唔好話佢知？」、「唔識放低身段，所以會更易失敗！」、「啱啱入職好心就謙虛啲啦」、「既然咁『把炮』，使乜嚟屈就？」、「活到老學到老，向年輕一輩學習吓一啲新嘢，與時俱進係必需嘅！」

另有人分享自己的見聞，「我遇過這樣的大嬸，佢覺得自己有經驗好勁，但公司派我嚟睇住佢，所以佢一直好唔高興，工作態度差，仲要投訴我」、「以前試過見廠務助理，隔離個阿叔目測有50（歲），喺度話自己做過廠長，又有保險牌、車牌，話多數請佢唔會請我」、「我之前有個大嬸同我講佢做得我哋全Team（組）人嘅阿媽，佢仲好嬲竟然係我去Train（訓練） 佢，最尾佢畀人喺試用期（1個月）炒咗」。 

文章獲Facebook專頁「奴工處」授權刊登。

每朝索取《晴報》：精明生活．健康家庭．開心娛樂

撰文：蘇麗儀