【殺手】Zero為雯雯之死殺佛爺報仇 劇中4大線索推Parker成魔

劇集《殺手》正式踏入高潮，佛爺（李成昌飾演）為逼Zero（陳豪飾演）幫自己做事，捉走雯雯（江嘉敏飾演）作威脅，後來Zero透過線索搵到雯雯的屍首，他一心認為係佛爺同紅姐（樊亦敏飾演）所害，於是槍殺兩人為雯雯報復。

{{hket:inline-image name="13.jpg"}}{{/hket:inline-image}}

(TVB電視截圖)

{{hket:inline-image name="14.jpg"}}{{/hket:inline-image}}

(TVB電視截圖)

不過，佛爺同紅姐直至臨死一刻都堅持唔認係兇手，而佛爺亦講過雯雯係Zero嘅痛腳，點會咁快殺死佢？到底雯雯被邊個人殺呀呢？殺佢嘅人有咩動機？網友們紛紛都開始睇到端倪，大家都睇到四大線索一口咬定關啟揚Parker（謝東閔飾演）有鬼。

其實，Parker一直以來都係靠叔叔鵬哥（楊瑞麟飾演）提攜，後來佛爺要脅而賣出部份股份。鵬哥不甘被迫使做壞事，搵殺手殺害佛爺，可惜Dark Angel（龔嘉欣飾演）事敗，佛爺對付鵬哥，更安排Parker喺鐵箱入面近距離望住叔叔離世，從此開始成魔之路。

{{hket:inline-image name="17.jpg"}}{{/hket:inline-image}}

(TVB電視截圖)

第一、雯雯生前曾隔住玻璃窗見到Parker背影，佢拍窗求救，Parker正想回頭時，雯雯被佛爺手下箍頸而出唔到聲。最後雯雯死咗，佛爺指係Parker殺人滅口，引警方介入。網民估計Parker成日要受佛爺氣，仲連累女朋友Megan（麥明詩飾演）捲入風波，所以唔少鏡頭都見到佢對佛爺憎之入骨。於是Parker諗到殺死雯雯，引Zero對付佛爺。

{{hket:inline-image name="15.jpg"}}{{/hket:inline-image}}

(TVB電視截圖)

{{hket:inline-image name="16.jpg"}}{{/hket:inline-image}}

(TVB電視截圖)

第二，佛爺成日想利用集團嘅資金滿足一己私慾，每次Parker都反駁佛爺咁做係唔啱規矩，然而佛爺一意孤行，經常暴打Parker。Megan突然發現Parker隻手受傷，但佛爺已表明唔係佢打，究竟Parker因咩事受傷？

{{hket:inline-image name="12.jpg"}}{{/hket:inline-image}}

(TVB電視截圖)

第三，早前Megan覺得被主人遺棄嘅倉鼠好慘，Parker臉有難色咁收養咗隻倉鼠，如今倉鼠唔見咗，網民覺得Parker為人冷血，明明係佢整死咗，但講大話指打開個籠嗰陣係倉鼠自己偷走咗。

{{hket:inline-image name="11.jpg"}}{{/hket:inline-image}}

(TVB電視截圖)

第四，閻武曾經喺Parker面前殺人，佢嚇到呆咗，網民猜測佢因為咁樣覺得殺人先解決到問題。

另外，有網民覺得阿鳳（吳業坤飾演）都有成魔嫌疑，因為佢成日都喺案件中搵到證據，懷疑同殺手有關，但次次清道夫（高海寧飾演）都會從中作梗，令證據消失。阿鳳被警察同僚以為有精神病，覺得好痛苦，加上佢曾患抑鬱，網民就估計佢抑鬱症復發，向殺手報仇。

對於兩大奸角忽然被殺，監製陳維冠坦言冀劇集推進更明快：「佛爺係一個好有氣場、令劇中其他人感壓力嘅大人物，希望觀眾估唔到佢咁快死！雯雯咁快死亦一樣，希望令觀眾有意想不到嘅效果！至於之後嘅劇情，佢話：「無集中邊一個身上，角色環環緊扣會有追看性。(嚟緊會出現殺手獵人？)其實我哋無依個稱呼，可能殺手會遇到一個連環殺手！有個Zero killer。(Parker(謝東閔)就係連環殺手？)咁要觀眾睇落去，可能未出現過亦可能已曝光好耐！」對於陳豪前晚嘅演出，陳維冠稱：「阿Mo表現水準之上，有101分，幕內心戲(告別雯雯)好震撼，亦都充份演繹到佢嘅憤怒！」佢指陳豪頭十幾集角色性格嘻皮笑臉，之後甘於為兄弟女兒犧牲愛情，演繹得夠入血：「我之前無見過阿Mo有咁嘅演出，贏過兩次視帝嘅佢都畀到驚喜我，可以話融入Zero依個角色！」

撰文：張芷晴
責任編輯：楊安莉