【蠱惑奸商】太和街市買餸用八達通疑被亂扣錢 醒目港女嘟機揭檔主博懵$40收$92

本港第三波新冠肺炎疫情嚴峻，愈來愈多市民留家抗疫自行煮飯，到街市買餸時亦會改以八達通付款，以免接觸可以「播毒」的鈔票。不過，一名港女日前到太和街市用八達通買餸時，卻疑被檔主「博懵」亂扣錢，由原本40元收多逾一倍至92元，因而提醒大眾在街市用八達通付款時要小心。

「你哋用八達通比錢要小心啲！」該名港女在Facebook群組「Tai Po 大埔」發帖，指現時因疫情而在家工作，需自行在家中煮飯食。前日（26日），她到太和街市一個檔口買魚肉時，卻發生不愉快經歷，

「我買咗$40有蔥嘅魚肉，用八達通畀錢，但佢八達通個顯示器只係比呢間檔嘅收銀睇，我係完全唔知佢係扣幾錢。」

於是，事主詢問檔主有否八達通收據，對方表示「有」，「但最後佢搞咗好耐話無咗顯示，我企硬話唔知佢扣左幾錢。佢就叫我去街市服務中心查，但人哋話無咁嘅服務！」由於無法在街市內查看扣數記錄，事主只好繼續買其他餸菜。

離開街市走到火車站大堂時，她因心生不忿，遂用站內的八達通查閱機查數，「一拍入去見有3條扣數，其中一個竟然扣咗$92，我再拍3次睇清楚時間、日期都似係我第一站去買魚肉嘅扣錢！」於是，她便走回街市到涉事檔口對質，未料對方竟不發一言地退錢，

「佢好順攤咁畀番$52我。所以你哋要留意返，唔好畀人亂扣，要返扣八達通嘅收據！而呢檔亦會永久列入黑名單！」

此事引來網民熱議，不少人批評涉事檔主做生意不老實，亦有人分享類似經歷，「試過扣$900蚊，仲要自動增值埋」、「試過大元街市10豆腐花，收咗100，但事後才發現，冇單！下次記得要據。」、「我老公尋日幫趁完都話佢哋有蠱惑，亂咁收錢㗎」。另有網民著大家用八達通付款時要加倍小心，建議道：「所有用八達通畀錢，我都會見到個銀碼我先拍卡！」、「裝返個八達通app，可以check扣咗幾多錢數！」

責任編輯：李凱晴