葉玉卿破產夫老了十歲滿面白鬚 舉家到墨西哥避世散心展笑顏

現年53歲嘅殿堂級性感女星葉玉卿96年嫁入豪門，與美國華裔富商胡兆明育有三子女，生活幸福美滿。有傳胡兆明曾坐擁80億港元身家，不過早前有報道指胡兆明向法庭申請個人破產，其破產申請包括數億港元負債。

{{hket:inline-image name="c5d9214c565c5ee9f1feecb19d3ecbbcsaasftp20200221.jpg"}}{{/hket:inline-image}}

（東星娛樂）

葉玉卿亦直認不諱，但佢就表示申請破產重組並冇大家想像中咁嚴重，正常生活亦未必受到影響，申請破產重組保護，個人生活必需品、部分工資所得、甚至房產和汽車都可以得到豁免。佢非常豁達，表示只要唔係關乎生、死都唔算係最大問題。

{{hket:inline-image name="20200709005637.jpg"}}{{/hket:inline-image}}

（網上圖片）

葉玉卿指破產重組喺美國算常見，話雖然會對信用記錄造成暫時性影響，但信用記錄重建，更指好多大型企業公司都申請破產重組，連美國總統特朗普以前都破產重組過好幾次。

{{hket:inline-image name="20_600_600.jpg"}}{{/hket:inline-image}}

（胡芷欣IG）

事件爆出至今約兩個星期，今日葉玉卿阿女胡芷欣Post出一張大合照，相中見到葉玉卿阿女、兩個阿仔同埋阿仔嘅女友，爸爸胡兆明都罕有入鏡。相信佢哋係一家人去到墨西哥度假，出海散心，相中名女同爸爸仲各自揸住一條大魚，笑得非常燦爛，相信一定玩得好盡興。

{{hket:inline-image name="111.jpg"}}{{/hket:inline-image}}

（胡芷欣IG）

不過相中嘅胡兆明比起佢早前嘅相蒼老咗唔少，仲留到滿面都係白鬚，雖然錢財身外物，葉玉卿有講過老公嘅心情唔係咁差，但佢坦言老公最難過係面子問題。葉玉卿指老公唔想放棄喺唐人街嘅房地產，因為係佢以前屋企嘅發迹地，相信事情都對佢有一定嘅打擊。

撰文：黃蘊姿